ഇത്തവണത്തെ യൂറോ കപ്പിൽ മികച്ച രീതിയിൽ കളിക്കാൻ ഫ്രാൻസ് ടീമിന് സാധിച്ചിട്ടില്ല. കഴിഞ്ഞ രണ്ടു മത്സരങ്ങളും സമനിലയിൽ ആയിരുന്നു അവസാനിച്ചത്. ജയിച്ച കളി ആണെങ്കിൽ ഭാഗ്യത്തിന് ജയിച്ച പോലെയും. അപ്പോഴാണ് ടീമിൽ കാമവിംഗയുമായി കോച്ച് ദിദിയർ ദെഷാംപ്സ് ചേർച്ച കുറവിലാണെന്ന റിപോർട്ടുകൾ വരുന്നത്.
കഴിഞ്ഞ മത്സരത്തിൽ കാമവിങ്ക കുറെ തവണ കളിക്കളത്തിൽ വീണിരുന്നു. അദ്ദേഹത്തിനോട് ബൂട്ട് മാറ്റുവാൻ കോച്ച് ഉൾപ്പടെ പറഞ്ഞെങ്കിലും താരം അതിനു കൂട്ടാക്കിയില്ല. ഫ്രാൻസ് പരിശീലനം നടക്കുന്ന സമയത്തും കോച്ചും കാമവിങ്കയും തമ്മിൽ കുറെ വാക്ക് പോരുകൾ ഉണ്ടായിട്ടുണ്ട്. ഫ്രാൻസിന്റെ മത്സര സമയങ്ങളിൽ കാമവിങ്കയ്ക്ക് ആദ്യ പ്ലെയിങ് 11 സ്ഥാനം ലഭിക്കാറില്ല. അതിന്റെ ഒരു എതിർപ്പ് താരത്തിനും ഉണ്ട് എന്നാണ് അറിയാൻ കഴിയുന്നത്.
കഴിഞ്ഞ ദിവസം നടന്ന പരിശീലനത്തിൽ കോച്ച് പറയുക ഉണ്ടായി “കാമവിങ്ക തയ്യാറാണെങ്കിൽ മാത്രം പരിശീലനം ആരംഭിക്കാം” എന്ന്. ഇത് താരത്തിന് കൂടുതൽ പ്രകോപനത്തിന് കാരണമായി. താരം ടീമിൽ മിക്കവാറും ആയി അത്ര നല്ല ചേർച്ചയിൽ അല്ല എന്നും അഭ്യൂഹങ്ങൾ ഉണ്ട്.
അടുത്ത പ്രീ ക്വാട്ടർ മത്സരങ്ങളിലേക്ക് വേണ്ടിയുള്ള തയ്യാറെടുപ്പുകളിലാണ് ഫ്രാൻസ് ടീം. ഇനിയുള്ള മത്സരങ്ങൾ അവർക്ക് നിർണായകമാണ്. ജൂലൈ 1 നു ബെൽജിയത്തിനെതിരെ ആണ് ഫ്രാൻസ് ടീം മത്സരിക്കാൻ പോകുന്നത്. നിലവിലെ പ്ലെയിങ് 11 തന്നെ ആയിരിക്കും ഇറങ്ങുകയെന്നും കാമവിങ്കയ്ക്ക് തുടക്കത്തിൽ അവസരം ലഭിക്കാൻ സാധ്യത ഇല്ലെന്നും ആണ് ഇപ്പോൾ ക്യാമ്പിൽ നിന്ന് വരുന്ന റിപ്പോർട്ട്.