ചക്ക് ദേ ഇന്ത്യ ഷാരൂഖ്ഖാന് നായകനായ സൂപ്പര് ഹിറ്റ് ബോളീവുഡ് ചിത്രങ്ങളില് ഒന്നായിരുന്നെങ്കിലും ഇന്ത്യന് കായിക രംഗത്തെ ഉത്തേജിപ്പിച്ച ഏറ്റവും ഉത്തേജിപ്പിച്ച മറ്റൊരു വാക്ക് ഇല്ലെന്ന് തന്നെ പറയാം. Go for it India എന്നാണ് ചക്ക് ദേ ഇന്ത്യയുടെ അർത്ഥം. അതെ കോവിഡ് മഹാമാരിയുടെ കാലത്തും കുതിപ്പ് അവസാനിപ്പിക്കാതെ ഇന്ത്യൻ കായികരംഗം കുതിക്കുമ്പോൾ മലയാളി ഫുട്ബോൾ ആരാധകരും വലിയ സന്തോഷത്തിലാണ് .ഫൈനലിലിൽ ഒരിക്കൽക്കൂടി കാലിടറിയെങ്കിലും എന്നെന്നും ഓർത്തിരിക്കാൻ പറ്റുന്ന ഒരു സീസണായിരുന്നു കടന്നുപോയത്.
ചരിത്രത്തിലെ ഏറ്റവും മികച്ച സീസണിൽ കേരളം ബ്ലാസ്റ്റേഴ്സ് ആരാധകർക്ക് ഒരു നിരാശയുണ്ടായിരുന്നു. അത് ഫൈനലിലെ തോൽവി കാരണം മാത്രമല്ല ,മറിച്ച് ഇത്രയും നന്നായി കളിച്ച ടീമിനായി കൊഹിയിൽ മഞ്ഞകടൽ തീർക്കാൻ പറ്റിയില്ലലോ എന്നതായിരുന്നു നിരാശക്ക് കാരണം. ഇപ്പോഴിതാ അതിനൊരു ഉത്തരമായിരിക്കുകയാണ്. വരാനിരിക്കുന്ന ഐ.എസ്.എല് സീസണില് കേരളത്തിന്റെ എല്ലാ ഹോം മത്സരങ്ങള്ക്കും കൊച്ചി വേദിയാകും. അതുമാത്രമല്ല അടുത്ത സീസണിലെ ഉദ്ഘാടനമത്സരത്തിന് വേദിയാകുന്നതും കൊച്ചിയിലെ ജവഹര്ലാല് നെഹ്റു സ്റ്റേഡിയമായിരിക്കും.
ജി.സി.ഡി.എയും കേരള ബ്ലാസ്റ്റേഴ്സും സംയുക്തമായി പുറത്തിറക്കിയ വാര്ത്താക്കുറിപ്പിലാണ് ഇക്കാര്യം വ്യക്തമാക്കിയത്. ബ്ലാസ്റ്റേഴ്സുമായി ദീര്ഘകാല ബന്ധമാണ് ജി.സി.ഡി.എ ആഗ്രഹിക്കുന്നതെന്നും ബ്ലാസ്റ്റേഴ്സിന്റെ എല്ലാ പ്രവര്ത്തനങ്ങള്ക്കും ജി.സി.ഡി.എ പിന്തുണ നൽകുമെന്ന് ചെയര്മാന് കെ ചന്ദ്രന്പിള്ള വ്യക്തമാക്കി.
ഈ വര്ഷം ആഗസ്റ്റില് ബ്ലാസ്റ്റേഴ്സ് ടീം കൊച്ചിയിൽ പരിശീലനം ആരംഭിക്കുമെന്നും ബ്ലാസ്റ്റേഴ്സ് മാനേജ്മെന്റ് അറിയിച്ചിട്ടുണ്ട്. നേരത്തെ ജവഹര്ലാല് നെഹ്റു സ്റ്റേഡിയത്തിന്റെ മേൽക്കൂര പൊളിക്കുന്നതിനാല് മത്സരം കൊച്ചിയില് നിന്ന് മാറ്റുമെന്ന തരത്തില് അഭ്യൂഹങ്ങള് ഉണ്ടായിരുന്നു.