ഇന്ത്യന് സൂപ്പര്ലീഗില് മുംബൈസിറ്റിയുടേയും ഈസ്റ്റബംഗാളിന്റെയും കഷ്ടകാലം അവസാനിക്കുന്നില്ല. ഒരു മത്സരം പോലും ഇതുവരെ ജയിച്ചിട്ടില്ലാത്ത ഈസ്റ്റബംഗാളും കഴിഞ്ഞ ഏതാനും മത്സരമായി വിജയത്തിനായി ദാഹിക്കുന്ന മുംബൈസിറ്റിയും തമ്മിലുള്ള മത്സരം ഗോള്രഹിത സമനിലയില് അവസാനിച്ചു.
ഇരുടീമുകളും അവസരം കളഞ്ഞുകുളിക്കുന്ന കാര്യത്തിലായിരുന്നു മത്സരിച്ചപ്പോള് ഗോള് പറന്നതേയില്ല. ഒറ്റ ജയം പോലും നേടാനാവാത്ത ഏക ടീമായ ഈസ്റ്റ് ബംഗാള് അഞ്ച് പോയിന്റുമായി ലീഗില് അവസാന സ്ഥാനത്താണ്. കഴിഞ്ഞ മത്സരത്തിലും ഈസ്റ്റ് ബംഗാളിന് സമനിലയായിരുന്നു ഫലം. ബെംഗളൂരു എഫ്സിയോട് ഒരു ഗോളിനാണ് സമനില വഴങ്ങിയത്.
ഈ മത്സരത്തിലെ ഒരു പോയിന്റ് കൂടിയായപ്പോള് മുംബൈയ്ക്ക് 17 പോയിന്റായി. അതേസമയം പുതിയ പരിശീലകന് ഡെസ്് ബക്കിംഗാമിനും കഷ്ടകാലമാണ് കഴിഞ്ഞ നാലു മത്സരമായി ഒരു ജയം പോലും നേടാന് മുംബൈസിറ്റിയ്ക്കും കഴിഞ്ഞിട്ടില്ല. കേരളാബ്ളാസ്റ്റേഴ്സിനോട് പരാജയമറിഞ്ഞ ശേഷം ഇതുവരെ വിജയിക്കാന് മുംബൈയ്ക്ക് ആയിട്ടില്ല.