ബ്ലാസ്റ്റേഴ്സിന്റെ സൂപ്പര് താരം കെസിറോണ് കിസിറ്റോയെ ടീമില് നിന്ന് ഒഴിവാക്കിയേക്കുമെന്ന് സൂചന നല്കി പരിശീലകന് ഡേവിഡ് ജെയിംസ്. ഉഗാണ്ട്ന് മധ്യനിര താരത്തിന്റെ തോളിനേറ്റ പരിക്ക് സാരമുള്ളതാണ് എന്നാണ് റിപ്പോര്ട്ടുകള്. ഡല്ഹി ഡൈനാമോസിനെതിരെ കഴിഞ്ഞ ദിവസം നേടിയ വിജയത്തിന് ശേഷം മാധ്യമങ്ങളോട് സംസാരിക്കവെയാണ് ഡേവിഡ് ജയിംസ് ഇക്കാര്യം സൂചിപ്പിച്ചത്.
കിസിറ്റോയുടെ പരിക്ക് സാരമുള്ളതാണ് എന്നും ഇത് ഭേതമാകാന് കുറച്ച് നാളുകള് കൂടി വേണ്ടി വരുമെന്നും ജയിംസ് പറഞ്ഞു. ട്രാന്സ്ഫര് വിപണി ഇപ്പോളും സജീവമാണ്. അതുകൊണ്ടുതന്നെ പുതിയ താരങ്ങളെ ടീമിലെത്തിക്കാന് ബ്ലാസ്റ്റേഴ്സിന് കഴിയുമെന്നും ജെയിംസ് പറയുന്നു.
.നിര്ണായക മത്സരത്തില് കേരളം തകര്പ്പന് ജയം സ്വന്തമാക്കിയിരുന്നു . ഒന്നിനെതിരെ രണ്ടു ഗോളുകള്ക്കാണ് ഡല്ഹി ഡൈനാമോസിനെ കേരള ബ്ലാസ്റ്റേഴ്സ് തകര്ത്തത്. ദീപേന്ദ്ര നേഗി, ഇയാന് ഹ്യൂം എന്നിവരുടെ ഗോളുകളിലാണ് കൊച്ചിയില് ബ്ലാസ്റ്റേഴ്സിന്റെ വിജയ താണ്ഡവം. ഇതോടെ കേരളം പോയിന്റ് പട്ടികയില് അഞ്ചാം സ്ഥാനത്തെത്തി.