പൂനൈയ്ക്കെതിരായ മത്സരത്തിന് ശേഷം സി.ക വിനീതിന്റെ ഗോളിനേക്കുറിച്ച് സംസാരിച്ച് ബ്ലാസ്റ്റേഴ്സ് പരിശീലകന് ഡേവിഡ് ജയിംസ്. ഔട്ട്സൈഡ് ബോക്സിനു പുറത്തു നിന്ന് ഷൂട്ടിന് ശ്രമിക്കരുതെന്ന് അവനോട് പലവട്ടം പറഞ്ഞിട്ടുള്ളതാണ്.പക്ഷെ വിനീത് കേള്ക്കാറില്ല എന്നാണ് ജയിംസ് പറഞ്ഞത്.
വിനീതിനെ പുകഴ്ത്താനും താരം മറന്നില്ല. വിനീത് എന്നത് എന്നും ബ്ലാസ്റ്റേഴ്സിനും തനിക്കും സ്പെഷല് ആണ് എന്നും ജയിംസ് പറഞ്ഞു. ബ്ലാസ്റ്റേഴ്സ് ആരാധകരേക്കുറിച്ചും ജയിംസ് പറഞ്ഞു. പൂണൈയില്ലല്ല സ്വന്തം ഗ്രൗണ്ടില് കളിച്ച പ്രതീതിയാണ് ഉണ്ട്ായിരുന്നതെന്നും ആരാധകര് ബ്ലാസ്റ്റേഴ്സിന് പിന്തുണയുമായി എന്നും കൂടെയുണ്ടാവുമെന്നും അദ്ദേഹം കൂട്ടിച്ചേര്ത്തു
സികെ വിനീതിന്റെ വെടിക്കെട്ട് ഗോളില് ബ്ലാസ്റ്റേഴ്സ് ജയിച്ചതോടെ സെമി സാധ്യതതകള് സജീവമാകുന്നു. സെമിഫൈനലിലേക്ക് മുന്നേറാന് ഏറെ നിര്ണായകമായ മത്സരത്തില് പുണെയ്ക്കെതിരെ അവരുടെ തട്ടകത്തില് കേരള ബ്ലാസ്റ്റേഴ്സിന് തകര്പ്പന് വിജയം. ഇരുടീമും ഓരോ ഗോള് വീതം നേടി സമനിലയിലേക്ക് നീങ്ങിയിരുന്ന കളിയില് ഇഞ്ചുറി ടൈമില് മലയാളി താരം സികെ വിനീത് നേടിയ ഗോളാണ് ബ്ലാസ്റ്റേഴ്സിന് വിജയം സമ്മാനിച്ചത്.
ജയത്തോടെ 14 മത്സരങ്ങളില് നിന്ന് 20 പോയന്റുമായി ബ്ലാസ്റ്റേഴ്സ് പോയന്റ് പട്ടികയില് അഞ്ചാം സ്ഥാനത്തേക്ക് മുന്നേറി. ഇനിയുള്ള മത്സരങ്ങളിലും മികച്ച പ്രകടനം പുറത്തെടുത്താല് ബ്ലാസ്റ്റേഴ്സിന് ഐഎസ്എല് നാലാം സീസണ് സെമി ഉറപ്പിക്കാം.