യുവന്റസ് ഗ്രൗണ്ടിലെത്തി ക്രിസ്റ്റ്യാനോ ബൈ പറഞ്ഞു; സിറ്റിയുമായി രണ്ട് വര്‍ഷത്തെ കരാറെന്ന് സൂചന

പോര്‍ച്ചുഗീസ് സൂപ്പര്‍ താരം ക്രിസ്റ്റ്യാനോ റൊണാള്‍ഡോയുടെ ഭാവിയെ ചുറ്റിപ്പറ്റിയുള്ള അനിശ്ചിതത്വത്തിന് ഏറെക്കുറെ വിരാമം. ഇറ്റാലിയന്‍ ക്ലബ് യുവന്റസിന്റെ പരിശീലന ഗ്രൗണ്ടിലെത്തിയ ക്രിസ്റ്റ്യാനോ സഹതാരങ്ങളോട് യാത്ര പറഞ്ഞതായാണ് വിവരം. ക്രിസ്റ്റ്യാനോ ടീം വിട്ടുപോകാന്‍ സന്നദ്ധത പ്രകടിപ്പിച്ചതായി യുവന്റസ് കോച്ച് മാസിമിലിയാനോ അല്ലെഗ്രിയും സ്ഥിരീകരിച്ചു.

യുവന്റസിന്റെ പരിശീലനക്കളത്തില്‍ രാവിലെയാണ് ക്രിസ്റ്റ്യാനോ എത്തിയത്. നാല്‍പ്പത് മിനിറ്റ് ക്രിസ്റ്റ്യാനോ സഹകളിക്കാര്‍ക്കൊപ്പം ചെലവിട്ടെന്നാണ് അറിയുന്നത്. ടീമിന്റെ പരിശീലന സെഷനിലും റോണോ പങ്കെടുത്തില്ല. താരകൈമാറ്റ ജാലകം അടയാന്‍ ദിവസങ്ങള്‍ മാത്രമേ അവശേഷിക്കുന്നുള്ളൂവെന്നതാണ് ക്രിസ്റ്റ്യാനോയെ ക്ലബ് മാറ്റത്തിനുള്ള നടപടികള്‍ വേഗത്തിലാക്കാന്‍ പ്രേരിപ്പിച്ചത്.ക്ലബ്ബ് വിടുന്നതിന് മുന്നോടിയായി യുവന്റസിലെ മറ്റ് താരങ്ങളുമായി അധികം ഇടപഴകാതിരിക്കാനും സിആര്‍7 കുറച്ചു ദിവസങ്ങളായി ശ്രദ്ധിക്കുന്നത്രെ. നാപ്പോളിയുമായുള്ള യുവന്റസിന്റെ അടുത്ത മത്സരത്തില്‍ ക്രിസ്റ്റ്യാനോ കാണില്ലെന്നതും ഉറപ്പായിക്കഴിഞ്ഞു.

ഇംഗ്ലീഷ് പ്രീമിയര്‍ ലീഗ് ക്ലബ് മാഞ്ചസ്റ്റര്‍ സിറ്റിയിലേക്ക് പോകാനാണ് ക്രിസ്റ്റ്യാനോയുടെ നീക്കം. ഹാരി കെയ്ന്‍ ടോട്ടനം വിടില്ലെന്ന് അറിയിച്ചതോടെ സിറ്റിക്കും ക്രിസ്റ്റ്യാനോയെ ടീമിലെത്തിക്കാന്‍ താല്‍പര്യമുണ്ട്. രണ്ട് വര്‍ഷത്തേക്കായിരിക്കും ക്രിസ്റ്റ്യാനോയും സിറ്റിയും കരാര്‍ ഒപ്പിടുക. അതേസമയം, 25 മില്യണ്‍ പൗണ്ടിന് (252 കോടി രൂപ) ക്രിസ്റ്റ്യാനോയെ വില്‍ക്കാനാണ് യുവന്റസിന്റെ ശ്രമം. എന്നാല്‍ അതില്‍ കുറഞ്ഞൊരു തുകയ്ക്കു മാത്രമേ മാഞ്ചസ്റ്റര്‍ സിറ്റി ക്രിസ്റ്റ്യാനോയെ സ്വന്തമാക്കുകയുള്ളൂവെന്ന് ഇതുമായി അടുത്ത വൃത്തങ്ങള്‍ സൂചിപ്പിച്ചു. ആഴ്ചയില്‍ അഞ്ച് കോടി രൂപയുടെ പ്രതിഫലം വേണമെന്ന ആവശ്യത്തില്‍ നിന്ന് ക്രിസ്റ്റ്യാനോയ്ക്ക് പിന്‍വലിയേണ്ടിവരുമെന്നും റിപ്പോര്‍ട്ടുണ്ട്.

Latest Stories

മര്‍ദ്ദനത്തെ തുടര്‍ന്ന് രക്തസ്രാവം ഉണ്ടായി, ഇപ്പോഴും മണം തിരിച്ചറിയാനാകില്ല.. അയാള്‍ ബാത്ത്‌റൂം സെക്‌സ് വീഡിയോ പുറത്തുവിട്ടതോടെ തകര്‍ന്നു: പൂനം പാണ്ഡെ

ഇന്ത്യൻ പരിശീലകനാകാൻ മത്സരിക്കുന്നത് ഈ 5 ഇതിഹാസങ്ങൾ തമ്മിൽ, സാധ്യത അദ്ദേഹത്തിന്; ലിസ്റ്റ് നോക്കാം

പൊതു ജല സ്റോതസുകള്‍ ഉത്തരവാദപ്പെട്ടവര്‍ ക്ലോറിനേറ്റ് ചെയ്യണം; ആശുപത്രികളില്‍ പ്രത്യേക ഫീവര്‍ ക്ലിനിക്കുകള്‍ ആരംഭിക്കും; പകര്‍ച്ചപ്പനി അടുത്തെന്ന് ആരോഗ്യ വകുപ്പ്

'അവർ മരണത്തിലൂടെ ഒന്നിച്ചു..'; സീരിയൽ താരം പവിത്ര ജയറാമിന്റെ മരണത്തിന് പിന്നാലെ ആത്മഹത്യ ചെയ്ത് നടൻ ചന്ദു

ഐപിഎലില്‍ ഒരിക്കലും ഞാനത് ചെയ്യില്ല, അതെന്റെ ആത്മവിശ്വാസം തകര്‍ക്കും: വിരാട് കോഹ്‌ലി

അരവിന്ദ് കെജ്‌രിവാളിന്റെ പിഎ ബിഭവ് കുമാർ അറസ്റ്റിൽ

യുദ്ധരംഗത്തില്‍ മാത്രം 10,000 ആര്‍ട്ടിസ്റ്റുകള്‍; ഗ്രാഫിക്‌സ് ഇല്ലാതെ വിസ്മയമൊരുക്കി 'കങ്കുവ'

തന്‍റെ കരിയറിലെ ഏറ്റവും ഹൃദയഭേദകമായ രണ്ട് നിമിഷങ്ങള്‍; വെളിപ്പെടുത്തി വിരാട് കോഹ്ലി

'ഒരു ഇടനില ചര്‍ച്ചയിലും ഭാഗമായിട്ടില്ല'; ജോൺ മുണ്ടക്കയത്തിന്റെ വെളിപ്പെടുത്തലിനെതിരെ എൻകെ പ്രേമചന്ദ്രൻ എംപി

IPL 2024: കാവിവത്കരണം അല്ലെ മക്കളെ ഓറഞ്ച് ജേഴ്സി ഇട്ടേക്ക്, പറ്റില്ലെന്ന് താരങ്ങൾ; പാക്കിസ്ഥാനെതിരായ ലോകകപ്പ് മത്സരത്തിന് മുമ്പ് നടന്നത് നടക്കിയ സംഭവങ്ങൾ