മാഞ്ചസ്റ്റർ യുണൈറ്റഡിനോട് യുവേഫ യൂറോപ്പ ലീഗ് തോറ്റതിന് പിന്നാലെ നാല് കളിക്കാരെ വിറ്റുകൊണ്ട് ബാഴ്‌സലോണ കടുത്ത നടപടി സ്വീകരിക്കാൻ ശ്രമിക്കുന്നതായി റിപ്പോർട്ട്. തങ്ങളുടെ പ്ലേഓഫിന്റെ രണ്ടാം പാദത്തിൽ ഓൾഡ് ട്രാഫോർഡിൽ 2-1 ന് ബാഴ്‌സ പരാജയപ്പെട്ടു. രണ്ട് ലെഗിനിടയിൽ 4-3 എന്ന തോൽവിഎട്ട് വാങ്ങി ഫൈനൽ കാണാതെ ടീം പുറത്തായി.
ഡിയാരിയോ ഗോൾ പറയുന്നതനുസരിച്ച്, സ്പാനിഷ് ക്ലബ് ഇപ്പോൾ വേനൽക്കാലത്ത് റാഫിൻഹ, ഫ്രാങ്ക് കെസ്സി, സെർജി റോബർട്ടോ, അൻസു ഫാത്തി എന്നിവരെ ഒഴിവാക്കാനാണ് ശ്രമിക്കുന്നത്. ആദ്യ പാദത്തിൽ യുണൈറ്റഡിനെതിരെ ഒരു ഗോൾ നേടിയ റാഫിഹ മികച്ച പ്രകടനം കാഴ്ചവെച്ചപ്പോൾ, രണ്ടാമത്തേതിൽ അദ്ദേഹത്തിന് വേണ്ടത്ര തിളങ്ങാനായില്ല. കഴിഞ്ഞ വേനൽക്കാലത്ത് ലീഡ്‌സ് യുണൈറ്റഡിൽ നിന്ന് ചേർന്നതിന് ശേഷം സീസണിലുടനീളം അദ്ദേഹത്തിന്റെ ഫോം ദുർബലമായിരുന്നു. മത്സരങ്ങളിൽ ഏഴ് ഗോളുകൾ നേടിയ അദ്ദേഹം അസിസ്റ്റുകളൊന്നും നൽകിയിട്ടില്ല. വിചാരിച്ച പ്രകടനത്തിന്റെ കാൽഭാഗം പോലും പുറത്തെടുക്കാൻ സാധിക്കാതെ വന്നതോടെ കെസിയുടെ വാതിലും അടഞ്ഞു.
നിലവിൽ ബാഴ്‌സയുമായുള്ള കരാറിന്റെ അവസാന മാസങ്ങളിലാണ് റോബർട്ടോ. മാഞ്ചസ്റ്റർ യുണൈറ്റഡിനെതിരെയുള്ള താരത്തിന്റെ മോശം പ്രകടനം കൂടി ആയതോടെ താരത്തെയും ക്ലബ് പുറത്താക്കിയേക്കും.
അതേസമയം, പത്താം നമ്പർ കുപ്പായം ഏറ്റെടുക്കുമ്പോൾ ബാഴ്‌സലോണയിൽ ലയണൽ മെസ്സിയുടെ അവകാശിയായി ഫാത്തിയെ കണക്കാക്കിയിരുന്നു. പരിക്കിന്റെ പ്രശ്‌നങ്ങൾ തീർച്ചയായും അദ്ദേഹത്തിന്റെ പുരോഗതിയെ തടസ്സപ്പെടുത്തിയിട്ടുണ്ടെങ്കിലും, പ്രതീക്ഷയ്‌ക്കൊത്ത് ഉയരുന്നതിൽ യുവതാരം പരാജയപ്പെട്ടു. ഈ കാമ്പെയ്‌നിലുടനീളം 34 മത്സരങ്ങളിൽ നിന്ന് ആറ് ഗോളുകളും മൂന്ന് അസിസ്റ്റുകളും ഫാത്തി നേടിയിട്ടുണ്ട്.