ഐഎസ്എല്‍ നാലാം സീസണില്‍ നിലവിലെ ചാമ്പ്യന്മാരായ എടികെയ്ക്ക് വീണ്ടും തിരിച്ചടി. എടികെയുടെ സൂപ്പര്‍ താരം കാള്‍ ബേക്കര്‍ ഐഎഎസ്എല്ലില്‍ നിന്നും പിന്മാറിയേക്കും. പരിക്കാണ് താരത്തിന് തിരിച്ചടിയായത്.
കാള്‍ ബേക്കറിന്റെ പകരകാരനെ കണ്ടെത്താന്‍ എടികെ മാനേജ്‌മെന്റ് ശ്രമം തുടങ്ങി കഴിഞ്ഞു. പ്രീ സീസണ്‍ മത്സരത്തിനിടെ പരിക്കറ്റേതാരത്തിന് ഉടന്‍ ടീമിനൊപ്പം ചേരാന്‍ സാധിക്കാത്തതോടെയാണ് ജനുവരി ട്രാന്‍സ്ഫരില്‍ പുതിയ താരത്തെ ടീമിലെത്തിക്കാന്‍ എടികെ തിരക്കിട്ട നീക്കങ്ങള്‍ ആരംഭിച്ചത്.
കാള്‍ ബേക്കറെ കൂടാതെ നിരവധി താരങ്ങളുടെ പരിക്ക് ടീമിനെ വലാതെ ബാധിച്ചു കഴിഞ്ഞു. സൂപ്പര്‍ താരം റോബീ കീന്‍,ജയേഷ് റാണെ, അശുതോഷ് മേത്ത,അന്‍വര്‍ അലി, നല്ലപ്പന്‍ മോഹന്‍രാജ് തുടങ്ങിയവര്‍ എല്ലാം പരിക്കേറ്റ് കോച്ച് ടെഡി ഷെറിങ്ഹാമിന് തലവേദനയാണ്.
കൂടാതെ കഴിഞ്ഞ മത്സരത്തില്‍ സ്വന്തം നാട്ടില്‍ പൂനെയോട് 4-1 ന്റെ തോല്‍വി വഴങ്ങേണ്ടി വന്നതും എടികെയ്ക്ക് ശുഭസൂചനയല്ല. ആദ്യ മത്സരത്തില്‍ കേരള ബ്ലാസ്റ്റേഴ്‌സിനോട് ഗോള്‍ രഹിത സമനിലയും കൊല്‍ക്കത്ത വഴങ്ങിയിരുന്നു.