‘പുഷ്പ’ ജ്വരം ഇപ്പോൾ വനിതാ ക്രിക്കറ്റിനെയും ബാധിച്ചിരിക്കുകയാണ്. ഇന്ത്യൻ പ്രീമിയർ ലീഗ് (ഐ‌പി‌എൽ) 2022-ൽ രവീന്ദ്ര ജഡേജയും ഒബേദ് മക്കോയിയും നടത്തിയ പുഷ്പ ആഘോഷത്തിന് ശേഷം, ദുബായിൽ നടന്ന ഫെയർബ്രേക്ക് ഇൻവിറ്റേഷൻ ടൂർണമെന്റിൽ നേപ്പാൾ വനിതാ ക്രിക്കറ്റ് താരം ‘പുഷ്പ’ ആഘോഷം നടത്തുന്ന വീഡിയോ വൈറൽ ആയി. മെയ് 5 ന് ടൊർണാഡോസ് വിമൻ ആൻഡ് സഫയർസ് വിമൻ തമ്മിലുള്ള മത്സരത്തിൽ, നേപ്പാളിന്റെ സീതാ റാണ മഗർ ഒരു വിക്കറ്റ് വീഴ്ത്തിയ ശേഷം സൂപ്പർഹിറ്റ് സിനിമയായ ‘പുഷ്പ’യിലെ അല്ലു അർജുന്റെ ശൈലി അനുകരിച്ചുകൊണ്ട് ആഘോഷം നടത്തിയത്.
“ഇത് സോഷ്യൽ മീഡിയയിൽ വളരെയധികം വൈറൽ ആയി കഴിഞ്ഞു, നേപ്പാളിലെ സീതാ റാണാ മഗർ നിലവിൽ ഏറ്റവും ജനപ്രിയമായ ആഘോഷത്തിന്റെ ഭാഗമായി കഴിഞ്ഞു ,” പോസ്റ്റിന്റെ വീഡിയോയ്‌ക്കൊപ്പം ഐസിസി എഴുതി.
ഫെയർബ്രേക്ക് ഇൻവിറ്റേഷണൽ ടൂർണമെന്റ് എന്നത് ഒരു നവീന വനിതാ ക്രിക്കറ്റ് ടൂർണമെന്റാണ്, വളർന്നുവരുന്ന രാജ്യങ്ങളിലെ വനിതാ താരങ്ങൾക്ക് അവസരമായിട്ടാണ് ടൂർണമെന്റ് നടക്കുന്നത്. വലിയ സ്വീകാര്യതയാണ് ടൂർണമെന്റിന് ഉള്ളത്.
പുഷ്പ ആഘോഷം തരംഗം ആവുകയാണിപ്പോൾ. സിനിമ ലോകം മുഴുവൻ വിരൽ ആയതിന്റെ തെളിവാണിത്.