ഇപ്പോൾ നടക്കുന്ന ടി 20 ലോകകപ്പിൽ വിജയ സാധ്യത കൂടുതലുള്ള ടീമായിരുന്നു ഇന്ത്യ. എന്നാൽ സൂപ്പർ എട്ടിലേക്ക് കടന്നതോടെ കാര്യങ്ങൾ എല്ലാം മാറി മറിഞ്ഞു. ദക്ഷിണാഫ്രിക്കയോട് 76 റൺസിന്റെ ദയനീയ പരാജയം ഏറ്റുവാങ്ങിയതോടെ ഇന്ത്യ ടൂർണമെന്റിൽ നിന്നും പുറത്താകുന്ന ലക്ഷണമാണ് കാണുന്നത്.
മത്സരം തോറ്റതിന് പിന്നാലെ ഇന്ത്യൻ ടീമിൽ ഏറ്റവും കൂടുതൽ വിമർശനം കേൾക്കുന്ന താരമാണ് തിലക് വർമ്മ. ഇത്രയും മത്സരങ്ങളിൽ ഒന്നിൽ പോലും താരത്തിന് തന്റെ മികവ് കാണിക്കാൻ സാധിച്ചിട്ടില്ല. ഇപ്പോഴിതാ തിലകിന് നിർദേശങ്ങളുമായി മുൻ ഇന്ത്യൻ താരം മുഹമ്മദ് കൈഫ് രംഗത്ത് എത്തിയിരിക്കുകയാണ്.
‘തിലക് വര്മയ്ക്ക് കളിക്കാന് തന്റെതായ ഒരു ശൈലിയുണ്ട്. എന്നാല് സ്ട്രൈക്ക് റേറ്റിനെക്കുറിച്ചുള്ള വിമര്ശനങ്ങള് ഭയന്ന് വലിയ ഷോട്ടിന് അദ്ദേഹം മുതിരുന്നതാണ് ഇപ്പോൾ താരത്തിന് തിരിച്ചടിയായിരിക്കുന്നത്. കൈഫ് വ്യക്തമാക്കി. ഈ സാഹചര്യത്തിൽ ടീം മാനേജ്മെന്റ് തിലകിനോട് സംസാരിക്കണമെന്നും താരം വിരാട് കോഹ്ലി, കളിക്കുന്നത് പോലെ ചെയ്യണമെന്നും കൂട്ടിച്ചേർത്തു. അടിച്ചുതകര്ത്ത് ബാറ്റ് വീശാൻ ടീമിൽ ഒരുപാട് താരങ്ങളുണ്ടെന്നും എന്നാല് കളി അവസാനം വരെ എത്തിക്കാന് ഒരാള് ആവശ്യമാണെന്നും കൈഫ് ഓര്മ്മിപ്പിച്ചു.