ഐപിഎല്ലില്‍ എംഎസ് ധോണിയ്ക്ക് ശേഷം ചെന്നൈ സൂപ്പര്‍ കിംഗ്‌സിനെ ആര് നയിക്കണമെന്നതില്‍ സര്‍പ്രൈസ് നിര്‍ദ്ദേശവുമായി ഇന്ത്യന്‍ മുന്‍ താരം വസീം ജാഫര്‍. ഇപ്പോഴിതാ യുവ ഓപ്പണര്‍ ഋതുരാജ് ഗെയ്ക്‌വാദിനെ ധോണിയ്ക്ക് ശേഷം ചെന്നൈ നായകനാക്കണമെന്നാണ് വസിം ജാഫര്‍ പറയുന്നത്.
സിഎസ്‌കെ ഭാവി വിക്കറ്റ് കീപ്പറായി ഡെവോന്‍ കോണ്‍വേയില്‍ ഉറച്ച് നില്‍ക്കാനാണ് സാദ്ധ്യത. ധോണി ഇനി വേറെയാരെയെങ്കിലും നോക്കുമോയെന്നത് അറിയില്ല. അത് ആരാവുമെന്നതും എനിക്കറിയില്ല. സിഎസ്‌കെ പ്രധാനമോയും നോട്ടമിടുന്നത് ധോണിക്ക് ശേഷം നയിക്കാന്‍ ആരെന്നതാണ്. റുതുരാജാണ് ആ താരം.
മഹാരാഷ്ട്രയുടെ ക്യാപ്റ്റനായിട്ടുള്ള താരമാണവന്‍. സിഎസ്‌കെ അവന് കൂടുതല്‍ ഉത്തരവാദിത്തം നല്‍കി നായകനായി വളര്‍ത്തിക്കൊണ്ട് വരാനാണ് സാധ്യത. ശിവം ദുബെ, മുകേഷ് ചൗധരി, രാജവര്‍ധന്‍ ഹംഗര്‍ഗേക്കര്‍ എന്നിവര്‍ക്കെല്ലാം മികച്ച അവസരം ലഭിക്കുമെന്നാണ് പ്രതീക്ഷിക്കുന്നതെ ജാഫര്‍ പറഞ്ഞു.
ഐപിഎല്ലില്‍ വരാനിരിക്കുന്ന സീസണില്‍ കൂടി ധോണിയാവും സിഎസ്‌കെയെ നയിക്കുക. അതിനു ശേഷം താരം വിരമിക്കുമെന്നാണ് കരുതുന്നത്. കഴിഞ്ഞ സീസണില്‍ ജഡേജയെ നായകനാക്കി വളര്‍ത്താന്‍ സിഎസ്‌കെ ശ്രമിച്ചെങ്കിലും അത് പരാജയപ്പെട്ടിരുന്നു.