ക്രിക്കറ്റിൽ ഉണ്ടായിരുന്ന കാലത്ത് തന്റെ ഗൂഗ്ലി ഉപയോഗിച്ച് ബാറ്റ്‌സ്മാന്മാരെ ഏറെ കുഴക്കിയ താരമാണ് അമിത് മിശ്ര. വിരമിച്ച ശേഷം ഇപ്പോൾ സോഷ്യൽ മീഡിയ വഴി തഗ് മറുപടികൾ കൊടുത്താണ് താരം വളരെ വൈകി സോഷ്യൽ മീഡിയയിൽ വളരെ സജീവമാണ്, ഇങ്ങോട്ട് ആക്രമിക്കാൻ വരുന്നവരുടെ സ്റ്റമ്പ് പൊളിക്കുന്ന മറുപടിയാണ് താരം കൊടുക്കുന്നത്. ഇന്നലെ നടന്ന മൂന്നാം ടി 20 ഐയിൽ വിജയ സ്‌കോറായി മാറിയ ദക്ഷിണാഫ്രിക്കയ്‌ക്കെതിരായ ബോർഡിൽ ഇന്ത്യ 179 റൺസ് നേടിയതിന് ശേഷം മിശ്ര ഹാർദിക്ക് പാണ്ഡ്യയെക്കുറിച്ച് കുറിച്ച വാക്കുകളാണ് ഇപ്പോൾ വൈറൽ ആയിരിക്കുന്നത്.
ഹാർദിക് 21 പന്തിൽ 4 ബൗണ്ടറികളോടെ 31 റൺസെടുത്ത് പുറത്താകാതെ നിന്നു. ഓപ്പണർമാരുടെ മികച്ച തുടക്കത്തിന് ശേഷം മധ്യ ഓവറുകളിൽ ഇന്ത്യയുടെ താളം തെറ്റുക ആയിരുന്നു. അവസാനം ഹാർദിക്കിന്റെ ഇന്നിങ്‌സാണ് 170 കടത്തിയത്.
31 റൺസ് നേടിയെങ്കിലും ഭാഗ്യം കൊണ്ട് കെട്ടിപ്പടുത്ത ഇന്നിങ്‌സായിരുന്നു അത്. താരത്തിന്റെ ക്യാച്ച് ഡേവിഡ് മില്ലർ നഷ്ടപ്പെടുത്തുകയും, ഇന്സൈഡ് എഡ്ജ് ഒകെ ബൗണ്ടറി പോവുകയും ചെയ്തു. ഇതിനുപിന്നാലെ ആയിരുന്നു മിശ്രയുടെ ട്വീറ്റ്.
“ഹാർദിക് പാണ്ഡ്യ ഇന്ന് വളരെ ഭാഗ്യവാനാണ്, ഇന്ധനം കുറവുള്ള വിമാനം, തകരാറുള്ള എഞ്ചിൻ ഉപയോഗിച്ച്, ഇടിമിന്നലിൽ ഉള്ളപ്പോഴും, സുരക്ഷിതമായി ലക്ഷ്യസ്ഥാനത്ത് ഇറക്കാൻ കഴിഞ്ഞു.”
ഹാർദിക്കിന്റെ ഭാഗ്യം കലർന്ന ഇന്നിംഗ്‌സിനെ മിശ്ര സാദൃശ്യപെടുത്തിയ രീതി സോഷ്യൽ മീഡിയയിൽ ചിരി പടർത്തി.