രാജസ്ഥാൻ റോയൽസ് (ആർആർ) ക്യാപ്റ്റൻ സഞ്ജു സാംസണെ ധോണിയുമായി താരതമ്യപ്പെടുത്തിയ ഇന്ത്യൻ സ്പിന്നർ ചഹൽ പാഞ്ഞ ഒരു കാര്യമുണ്ട്. അയാൾ എല്ലാ അർത്ഥത്തിലും വളരെ കൂളാണ്. ധോണിയെ പോലെ ശാന്തനും ടീം അംഗങ്ങൾക്ക് പോസിറ്റീവ് എനർജി പകരുന്ന ആളുമാണെന്ന്. അതിനാൽ തന്നെ മലയാളികൾക്ക് ഇടയിൽ മാത്രമല്ല അല്ലാതെയും ഒരുപാട് ആളുകൾ സഞ്ജുവിനെ ആരാധിക്കുന്നുണ്ട് . ഭാവിയിൽ അത് കൂടിയേക്കാം. സഞ്ജുവിന്റെ ആരാധകരോടുള്ള പെരുമാറ്റവും അതിനൊരു കാരണമാണ്.
ഇന്നലെ നടന്ന പരിശീലന സെക്ഷനിൽ നിന്നുള്ള ഒരു വീഡിയോ ആരാധകരുടെ ഹൃദയം കീഴടക്കുകയാണ്. അവിടെ രാജസ്ഥാന്റെ പരിശീലനം കാണാൻ എത്തിയ ആളുകളോടൊപ്പം സഞ്ജു ഒരു സെൽഫിക്ക് ചേർന്നു. സഞ്ജു തന്നെയാണ് ആരാധകന്റെ ഫോണിൽ ഫോട്ടോ എടുത്തതും. അപ്പോഴാണ് ആ ഫോണിൽ ഒരു കാൾ വന്നത്. അത് എടുത്ത സഞ്ജു പറഞ്ഞ വാക്കാണ് ഇപ്പോൾ താരം. ഇന്ന് ജയ്പൂരിലെ സവായ് മാൻസിംഗ് സ്റ്റേഡിയത്തിൽ നടക്കുന്ന ഇന്ത്യൻ പ്രീമിയർ ലീഗ് മത്സരത്തിൽ രാജസ്ഥാൻ ചെന്നൈ സൂപ്പർ കിംഗ്സിനെ നേരിടും. ഗെയിമിന് മുന്നോടിയായി ആർആറിന്റെ സോഷ്യൽ മീഡിയ ഹാൻഡിൽ ടീം സഞ്ജുവും ആരാധകരും തമ്മിലുള്ള രസകരമായ വീഡിയോ പുറത്തുവിടുന്നത്.
ഒരു ആരാധകന്റെ ഫോണിൽ സാംസൺ സെൽഫി എടുക്കുന്നിടത്താണ് വീഡിയോ ആരംഭിക്കുന്നത്. അതിനിടയിൽ മൊബൈൽ റിംഗ് ചെയ്യാൻ തുടങ്ങി. ചില ആരാധകർ താരത്തോട് കോൾ എടുക്കാൻ പറഞ്ഞു . സഞ്ജു അവർ പറയുന്നത് കേട്ട് ഫോൺ എടുത്തു. “ഹലോ സഹോദരാ, എങ്ങനെയുണ്ട് കാര്യങ്ങളൊക്കെ ? “‘ എന്നാണ് സാംസൺ ചോദിച്ചത്. സെൽഫി എടുക്കാൻ ഒത്തുകൂടിയ ആരാധകർ എല്ലാം സഞ്ജുവിന്റെ പ്രവർത്തിയിൽ സന്തോഷിക്കുന്നതും ദൃശ്യമാണ്.