ശ്രീലങ്കയ്‌ക്കെതിരെ രണ്ടാം ഏകദിന ശേഷം ധോണി വിരമിക്കുന്നു!. വാര്‍ത്ത കേട്ട് ഞെട്ടാന്‍ വരട്ടെ… മൊഹാലി ജില്ലാ പോലീസിനെ സേവിക്കുന്ന ധോണിയെന്ന നായയാണ് ഏകദിന മത്സരശേഷം വിരമിക്കുന്നത്. 10 വര്‍ഷത്തോളം പോലീസിനെ സേവിച്ച നായയാണ് ധോണി
ധോണിയെ കൂടാതെ ലാബ്രഡോര്‍ ഇനത്തില്‍പെട്ട ധോണിയെക്കൂടാതെ ജോണ്‍, പ്രീതി എന്നീ നായ്ക്കളും അന്ന് വിരമിക്കുകയാണ്. മൂവര്‍ക്കും ഔദ്യോഗികമായിത്തന്നെ വിട നല്‍കും. ഇനി ഇവരെ ആവശ്യക്കാര്‍ക്ക് വളര്‍ത്താനായി വാങ്ങാം. ലേലത്തിലൂടെയാണ് ഉടമകളെ കണ്ടെത്തുക.
മൂന്നു മാസമുള്ളപ്പോള്‍ അഹമ്മദ് നഗറില്‍നിന്നാണ് മൊഹാലി പോലീസ് ധോണിയെ സ്വന്തമാക്കിയത്. പിന്നീട് ഫില്ലോര്‍ പൊലീസ് അക്കാദമിയിലായിരുന്നു പരിശീലനം.
ധോണിക്ക് ക്രിക്കറ്റുമായും ബന്ധമുണ്ട്. പഞ്ചാബ് ക്രിക്കറ്റ് അസോസിയേഷന്‍ സ്റ്റേഡിയത്തില്‍ ഇക്കാലയളവില്‍ നടന്ന രാജ്യാന്തര മല്‍സരങ്ങളിലെല്ലാം മണംപിടിച്ച് ധോണിയുമുണ്ടായിരുന്നു പൊലീസിനൊപ്പം. 2011 ലോകകപ്പ് സെമിഫൈനലില്‍ ഇന്ത്യയും പാക്കിസ്ഥാനും ഏറ്റുമുട്ടുമ്പോള്‍ കാണാന്‍ഇരുരാജ്യത്തെയും പ്രധാനമന്ത്രിമാര്‍ ഉണ്ടായിരുന്നു. അന്നു സുരക്ഷ കാത്തതാണ് ധോണിയുടെ കരിയറിലെ ഏറ്റവും വലിയ ഡ്യൂട്ടി.