ദിയോധർ ട്രോഫി 2023 ലെ ശ്രദ്ധേയമായ തിരിച്ചുവരവിൽ, റിയാൻ പരാഗ് സന്തോഷിക്കുകയാണ് ഇപ്പോൾ. ടൂർണമെന്റിലെ മികച്ച പ്രകടനത്തിന് താരം പ്ലെയർ ഓഫ് ദി സീരീസ് അവാർഡ് നേടി. ഏറെ നാളായി ട്രോളന്മാരുടെ വേട്ടമൃഗമായ താരം മികച്ച പ്രകടനത്തോടെ 354 റൺസ് അടിക്കുകയും രണ്ട് സെഞ്ച്വറി നേടുകയും 11 നിർണായക വിക്കറ്റുകൾ വീഴ്ത്തുകയും ചെയ്തു.
എന്നിരുന്നാലും, വിജയത്തിലേക്കുള്ള പാത അങ്ങേയറ്റം വെല്ലുവിളികൾ നിറഞ്ഞത് ആയിരുന്നു . ബുദ്ധിമുട്ടുള്ള ഐപിഎൽ സീസണും ഓൺലൈൻ ട്രോളുകളുടെ ഭാഗവുമായ പരാഗ്, തന്റെ റോൾ മോഡലായ വിരാട് കോഹ്‌ലിയുടെ സമയോചിതമായ സന്ദേശം ഈ നിലയിൽ മികച്ച പ്രകടനം നടത്താൻ തന്റെ ഉള്ളിൽ തീ ആളിക്കത്തിച്ചത് എങ്ങനെയെന്ന് വെളിപ്പെടുത്തി.
“മായ് പുരി ബാത് നഹി ബട്ട പൗംഗ (എനിക്ക് നിങ്ങളോട് കൃത്യമായ സംഭാഷണം പറയാൻ കഴിയില്ല). അദ്ദേഹം എന്നോട് പറഞ്ഞു, ” തെറ്റുകൾ സംഭവിക്കാം, നിങ്ങൾ ആഗ്രഹിക്കുന്ന ഫലങ്ങൾ കിട്ടിയില്ലെന്ന് വരാം. ഇതൊക്കെ സംഭവിക്കാം. ഇന്ത്യൻ പ്രീമിയർ ലീഗ് വേഗത്തിൽ വരുന്ന ഒരു ടൂർണമെന്റ് ആണ്. അവിടെ ഫലങ്ങൾ നിങ്ങൾക്ക് ഇഷ്ടപെട്ട രീതിയിൽ ആയിരിക്കില്ല. കഴിവുള്ള താരമാണ് നിങ്ങൾ, തിരിച്ചുവരാൻ പറ്റും.” കോഹ്ലി ഉപദേശിച്ചതായി പറഞ്ഞു.
“റിയാലിറ്റി ചെക്ക് എടുക്കുക, ഇതൊരു മോശം ഘട്ടമാണെന്ന് അംഗീകരിക്കുക, എന്നാൽ നിങ്ങൾ കരിയറിൽ എന്തെങ്കിലും മാറ്റങ്ങൾ വരുത്തണം എന്ന് ഇതൊന്നും അര്ഥമാക്കുന്നില്ല.” താരം ഇന്ത്യൻ എക്സ്പ്രസിനോട് പറഞ്ഞു.
എന്തായാലും മോശം കാലത്ത് നിന്ന് പന്ത് കരകയറി വരുമ്പോൾ ട്രോളന്മാരുടെ പ്രിയപ്പെട്ട ഇരയായ 21 വയസുകാരൻ ഇന്ന് തന്നെ വിമർശിച്ചവർ കൊണ്ട് കൈയടിപ്പിക്കാൻ ഒരുങ്ങുകയാണ്.