ട്വന്റി20 ലോക കപ്പിലേതിനു പിന്നാലെ ഇന്ത്യക്ക് പാകിസ്ഥാനോട് മറ്റൊരു തോല്‍വി കൂടി. അണ്ടര്‍ 19 ഏഷ്യാ കപ്പിലെ ഗ്രൂപ്പ് എ മത്സരത്തില്‍ ഇന്ത്യയെ പാകിസ്ഥാന് രണ്ട് വിക്കറ്റിന് കീഴടക്കി. അവസാന പന്തില്‍ ബൗണ്ടറിയടിച്ചാണ് പാകിസ്ഥാന് ത്രസിപ്പിക്കുന്ന ജയം സ്വന്തമാക്കിയത്. സ്‌കോര്‍: ഇന്ത്യ-237 (49 ഓവര്‍). പാകിസ്ഥാന്-240/8 (50 ഓവര്‍).
ഇന്ത്യ നല്‍കിയ താരതമ്യേന ഭേദപ്പെട്ട ലക്ഷ്യം തേടിയ പാകിസ്ഥാനെ മുഹമ്മദ് ഷെഹ്‌സാദിന്റെ (81) അര്‍ദ്ധ ശതകമാണ് മുന്നോട്ട് നയിച്ചത്. മാസ് സാദാഖത്ത് (29), ക്യാപ്റ്റന്‍ ക്വാസിം അക്രം (22), ഇര്‍ഫാന്‍ ഖാന്‍ (32), റിസ്വാന്‍ മുഹമ്മദ് (29) അഹമ്മദ് ഖാന്‍ (29 നോട്ടൗട്ട്) എന്നിവരും മോശമല്ലാത്ത സംഭാവന നല്‍കി. എങ്കിലും കൃത്യമായ ഇടവേളകളില്‍ വിക്കറ്റ് പിഴുത ഇന്ത്യ മത്സരത്തിലെ പിടിവിടാതെ കാത്തു.
രവി കുമാര്‍ എറിഞ്ഞ അവസാന ഓവറില്‍ പാകിസ്ഥാന് എട്ട് റണ്‍സാണ് വേണ്ടിയിരുന്നത്. ആദ്യ പന്തില്‍ സീഷന്‍ സമീറിനെ (0) രവി കുമാര്‍ മടക്കിയെങ്കിലും അഹമ്മദ് ഖാനും അലി അസ്ഫന്തും (1 നോട്ടൗട്ട്) ചേര്‍ന്ന് പാകിസ്ഥാനെ വിജയതീരമണച്ചു. ഇന്ത്യക്കായി രാജ് ബാവ നാല് വിക്കറ്റ് പിഴുതു.