ന്യുസിലാൻഡിനെതിരെ നടക്കുന്ന ഏകദിന പരമ്പരയ്ക്കുള്ള ഇന്ത്യൻ സ്ക്വാഡിനെ പ്രഖ്യാപിച്ചു. ശുഭ്മൻ ഗിൽ നയിക്കുന്ന ടീമിൽ വൈസ് ക്യാപ്റ്റനായി ശ്രേയസ് അയ്യർ തിരികെ കളികളത്തിലെത്തും. ഇപ്പോഴിതാ ഏകദിന പരമ്പരക്കുള്ള ഇന്ത്യൻ ടീമിലിടം നേടിയ ഓൾ റൗണ്ടര് നിതീഷ് കുമാര് റെഡ്ഡിയെ വിമർശിച്ച് മുന് ഇന്ത്യൻ താരവും ചീഫ് സെലക്ടറുമായിരുന്ന കൃഷ്ണമാചാരി ശ്രീകാന്ത് രംഗത്ത് എത്തിയിരിക്കുകയാണ്.
കൃഷ്ണമാചാരി ശ്രീകാന്ത് പറയുന്നത് ഇങ്ങനെ:
“ന്യുസിലാൻഡ് നിതീഷ് കുമാര് റെഡ്ഡിയെ അടിച്ചു പറത്തും. നിതീഷ് എന്താണ് ടീമിനായി ഇതുവരെ ചെയ്തതെന്ന് എനിക്ക് മനസിലാവുന്നില്ല. അവനെ എങ്ങനെയാണ് ഓള് റൗണ്ടര് എന്ന് വിളിക്കുന്നത് എന്നും എനിക്ക് മനസിലാവുന്നില്ല. അവന് പല മത്സരങ്ങളിലും ബൗളിംഗ് പോലും നല്കാറില്ല, ബാറ്റിങ്ങും മര്യാദക്ക് ചെയ്യാറില്ല” ശ്രീകാന്ത് പറഞ്ഞു.
ന്യൂസിലൻഡിനെതിരെയുള്ള ഏകദിനങ്ങൾക്കുള്ള ഇന്ത്യൻ ടീം: ശുഭ്മൻ ഗിൽ (ക്യാപ്റ്റൻ), രോഹിത് ശർമ, വിരാട് കോഹ്ലി, കെഎൽ രാഹുൽ (വിക്കറ്റ്), ശ്രേയസ് അയ്യർ(വൈസ് ക്യാപ്റ്റൻ), വാഷിംഗ്ടൺ സുന്ദർ, രവീന്ദ്ര ജഡേജ, മുഹമ്മദ് സിറാജ്, ഹർഷിത് സിംഗ് റാണ, പ്രസിദ്ധ് കൃഷ്ണ, കുൽദീപ് യാദവ്, റിഷഭ് പന്ത്, നിതീഷ് കുമാർ റെഡ്ഡി, അർഷ്ദീപ്സിങ്, യശ്വസി ജയ്സ്വാൾ.