സ്ഥിരതയാര്ന്ന ബാറ്റിംഗുമായി മുംബൈ ഇന്ത്യന്സ് ബാറ്റിംഗ് നിരയിലെ നിര്ണായക താരങ്ങളിലൊരാളാണ് സൂര്യകുമാര് യാദവ്. കഴിഞ്ഞ സീസണില് 143.43 സ്ട്രൈക്ക് റേറ്റില് 317 റണ്സ് സ്വന്തമാക്കിയ താരത്തിന്റെ മികവ് മാത്രമാണ് ബാറ്റിംഗിൽ മുംബൈക്ക് എടുത്ത് പറയാൻ ഉള്ളത്. ബാറ്റിംഗ് നിരയില് എവിടെ വേണമെങ്കിലും ഇറങ്ങാമെന്നതും ഇന്നിംഗ്സ് പടുത്തുയര്ത്തലും മത്സരം ഫിനിഷ് ചെയ്യലും ഒരുപോലെ വഴങ്ങുമെന്നതും സൂര്യകുമാര് യാദവിന്റെ സവിശേഷതകളാണ്. S. K. Y എന്ന പേരിൽ ആരധകർക്കിടയിൽ അറിയപ്പെടുന്ന താരം ചുരുക്കപ്പേര് ആരാണ് തന്നെ വിളിച്ചതെന്ന് വെളിപ്പെടുത്തിയിരിക്കുകയാണ് സൂര്യകുമാർ യാദവ്.
“2014-ൽ ഞാൻ KKR-ൽ ആയിരുന്നപ്പോൾ ഗൗതി ഭായ് (ഗംഭീർ) എന്നെ പിന്നിൽ നിന്ന് ‘SKY’ എന്ന് രണ്ട് മൂന്ന് തവണ വിളിച്ചു. ഞാൻ ശ്രദ്ധിച്ചില്ല. എന്നിട്ട് അദ്ദേഹം പറഞ്ഞു, ‘ഞാൻ നിന്നെയാണ് വിളിക്കുന്നത്. നിന്റെ ഇനീഷ്യല് നോക്കൂ!’ അപ്പോഴാണ് അതെ അത് ‘സ്കൈ’ ആണെന്ന് എനിക്ക് മനസ്സിലായത്.”
ഇന്ന് ക്രിക്കറ്റ് ആരാധകർ മുഴുവൻ താരത്തെ സ്കൈ എന്നാണ് വിളിക്കുന്നത്. ആ പേര് ആദ്യം വിളിച്ചത് ഗംഭീർ ആണെന്നത് എല്ലാവർക്കും പുതിയ അറിവാണ്.