അന്താരാഷ്ട്ര ക്രിക്കറ്റിലെ തന്റെ ആദ്യ വലിയ പരമ്പരയില് റിങ്കു സിംഗ് മികച്ച പ്രകടനമാണ് നടത്തിയത്. ഇന്ത്യ ഓസ്ട്രേലിയയ്ക്കെതിരായ പരമ്പര 4-1 എന്ന മാര്ജിനില് സ്വന്തമാക്കിയപ്പോള് റിങ്കു രണ്ട് ഗെയിമുകളില് ടീമിന്റെ ടോട്ടലുകള്ക്ക് ഫിനിഷിംഗ് ടച്ച് നല്കി. അഞ്ച് മത്സരങ്ങളുടെ പരമ്പരയില് 52.50 ശരാശരിയിലും 175 സ്ട്രൈക്ക് റേറ്റിലും 105 റണ്സാണ് 26-കാരന് നേടിയത്.
ഈ പ്രകടനത്തോടെ ടി20 ലോകകപ്പ് ടീമിലേക്ക് ശക്തനായ മത്സരാര്ത്ഥിയായിരിക്കുകയാണ് റിങ്കു. ഇപ്പോഴിതാ ടി20 ലോകകപ്പ് ടീമില് റിങ്കു സിംഗിന്റെ സ്ഥാനം അപകടത്തിലാക്കിയേക്കാവുന്ന അഞ്ച് ഇന്ത്യന് താരങ്ങളെ തിരഞ്ഞെടുത്തിരിക്കുകയാണ് മുന് താരം ആശിഷ് നെഹ്റ.
ഐസിസി ടി20 ലോകകപ്പ് ടീമിലെ മത്സരാര്ത്ഥികളില് ഒരാളാണ് റിങ്കു സിംഗ്. എന്നാല് ലോകകപ്പ് ഇപ്പോഴും അകലെയാണ്, അദ്ദേഹത്തെ വെല്ലുവിളിക്കുന്ന മറ്റ് കളിക്കാരുമുണ്ട്. ജിതേഷ് ശര്മ്മ, തിലക് വര്മ്മ, ശ്രേയസ് അയ്യര്, സൂര്യകുമാര് യാദവ്, ഹാര്ദിക് പാണ്ഡ്യ എന്നിവര്ക്കും ഇന്ത്യക്ക് വേണ്ടി കളി പൂര്ത്തിയാക്കാന് കഴിയും.
സ്ക്വാഡില് ലഭ്യമായ സ്ഥാനങ്ങളുടെ എണ്ണം നമുക്ക് കാണേണ്ടതുണ്ട്. റിങ്കു മറ്റ് കളിക്കാരെ സമ്മര്ദ്ദത്തിലാക്കി എന്നതില് സംശയമില്ല. എന്നാല് ലോകകപ്പില് ഇനിയും സമയമുണ്ട്. ദക്ഷിണാഫ്രിക്കയിലെയും ഇന്ത്യന് പ്രീമിയര് ലീഗിലെയും മത്സരങ്ങള് ഇക്കാര്യത്തില് അന്തിമഫലം തീരുമാനിക്കും- ആശിഷ് നെഹ്റ പറഞ്ഞു.