ഇത്തവണത്ത ടി20 ലോകകപ്പ് ഫൈനലിസ്റ്റുകള് ആരൊക്കെയാണെന്നതില് തന്റെ പ്രവചനം നടത്തി ഓസ്ട്രേലിയന് ഇതിഹാസ വിക്കറ്റ് കീപ്പര് ആദം ഗില്ക്രിസ്റ്റ്. ഓസ്ട്രേലിയ ഫൈനലില് ഉണ്ടാവുമെന്ന് ഉറപ്പിച്ച് പറഞ്ഞ ഗില്ക്രിസ്റ്റ് എതിരാളികളായി ഇന്ത്യ, ഇംഗ്ലണ്ട്, പാകിസ്ഥാന് ടീമുകളെയൊന്നുമല്ല പരിഗണിച്ചതെന്നാണ് ശ്രദ്ധേയം.
ന്യൂസിലാന്ഡാവും ഓസ്ട്രേലിയയുടെ എതിരാളികളെന്നാണ് ഗില്ക്രിസ്റ്റിന്റെ പ്രവചനം. എല്ലാ സീസണിലുമുള്ളതുപോലെ നിശബ്ദരായി വന്ന് ഞെട്ടിക്കുന്ന പ്രകടനം നടത്തുന്നവരാണ് ന്യൂസിലാന്ഡ്. ഇത്തവണയും അതുണ്ടാവുമെന്നാണ് ഗില്ക്രിസ്റ്റ് പറയുന്നത്.
കെയ്ന് വില്യംസനാണ് ന്യൂസിലാന്ഡിനെ നയിക്കുന്നത്്. ഇത്തവണ ഭേദപ്പെട്ട താരനിരയോടെയാണ് കിവീസ് വരുന്നത്. ഇത്തവണ പ്രവചനം നടത്തിയവരി ഭൂരിഭാഗം ആളുകളും ഓസ്ട്രേലിയയുടെ ഫൈനല് സാന്നിധ്യം പ്രവചിച്ചിട്ടുണ്ട്.
പന്തുകൊണ്ടും ബാറ്റുകൊണ്ടും മത്സരഫലത്തെ ഒറ്റക്ക് മാറ്റിമറിക്കാന് ശേഷിയുള്ള ഗ്ലെന് മാക്സ്വെല്, പാറ്റ് കമ്മിന്സ്, കാമറൂണ് ഗ്രീന്, മാര്ക്കസ് സ്റ്റോയിണിസ്, മിച്ചല് മാര്ഷ്, ട്രാവിസ് ഹെഡ് എന്നിവരാണ് ഓസീസിന്റെ തുറുപ്പുചീട്ടുകള്.