ഹസ്സന് അലിയെ പ്രതികൂലിച്ചും പിന്തുണച്ചും പരിഹസിച്ചും ചേര്ത്തു പിടിച്ചും അഭിപ്രായങ്ങള് വരുമ്പോള് ഓര്മ്മ വരുന്നത് 14 വര്ഷങ്ങള്ക്കു മുന്പ് മിസ്ബയുടെ ഷോട്ട് ബൗണ്ടറിയിലേക്കെത്തി എന്നുറപ്പിച്ച സമയത്ത് ശൂന്യതയില് നിന്നും വന്ന് ക്യാച്ചെടുത്ത ശ്രീശാന്തിനെയാണ്.
ആ ക്യാച്ച് കൈവിട്ടിരുന്നെങ്കില് എന്തൊക്കൊ സംഭവിക്കുമായിരുന്നു എന്ന് ചിന്തിച്ചു നോക്കാറുണ്ട്. സമ്മര്ദ്ദ നിമിഷത്തില് ഒരു യുവതാരം ക്യാച്ച് വിടുന്നത് സ്വാഭാവികം എന്നൊക്കൊ സാധാരണ ഗതിയില് പറയാറുണ്ടെങ്കിലും അന്ന് ആ ക്യാച്ച് നഷ്ടപ്പെടുത്തിയിരുന്നെങ്കില് ശ്രീശാന്തിനോടുള്ള സമീപനം എന്തായിരിക്കും? എത്ര പേര് അയാളെ പിന്തുണക്കുമായിരിക്കും?
ക്യാച്ചുകള്ക്ക് വിലയിടുകയാണെങ്കില് ആ ക്യാച്ച് ഇന്ത്യന് ചരിത്രത്തിലെ ഏറ്റവും വില പിടിച്ച ക്യാച്ചുകളില് മുന്പന്തിയിലായിരിക്കും. ആ ക്യാച്ച് സമ്മാനിച്ചത് ഒരു ഇന്ത്യന് ക്രിക്കറ്റിലെ ഏറ്റവും വിജയിയായ നായകന്റെ ആദ്യചുവടായിരുന്നു. ആ ക്യാച്ച് നേടിക്കൊടുത്തത് 2 വ്യാഴവട്ടക്കാലത്തെ കിരീടവരള്ച്ചയായിരുന്നു. ആ ക്യാച്ച് ഇന്ത്യയില് പൊതുവെ പുറം തിരിഞ്ഞു നിന്ന T20 യോടുള്ള സമീപനം മാറ്റുകയും IPL തരംഗം സൃഷ്ടിക്കുകയുമാണ് ചെയ്തത്. ആ വിജയ നിമിഷം ഇന്ത്യയുടെ T20 ലോകകപ്പിലെ ആദ്യത്തെയും അവസാനത്തേതുമായിരുന്നു.
ഇക്കഴിഞ്ഞ ദിവസം അന്നത്തെ യുവതാരം രോഹിത് ശര്മ്മ പറഞ്ഞ വാക്കുകള് ആ ക്യാച്ച് നിങ്ങളുടെ കൈയിലേക്ക് എത്തുമ്പോള് ഞങ്ങള് എത്ര ആകുലരായിരുന്നു എന്നതിന്റെ സാക്ഷ്യപത്രം കൂടിയായിരുന്നു. നന്ദി ശ്രീ .. അന്ന് ആ ക്യാച്ച് കൈപ്പിടിയില് ഒതുക്കിയതിന് .