ചെന്നൈ സൂപ്പര്‍ കിങ്‌സിന്റെ യുവപേസര്‍ അന്‍ഷുല്‍ കംബോജ് ഇന്ത്യന്‍ ടീമിന്റെ അടുത്ത ഗെയിം ചേഞ്ചറാവുമെന്ന് സിഎസ്‌കെ കോച്ച് സ്റ്റീഫന്‍ ഫ്ളെമിങ്. ഇംഗ്ലണ്ട് പരമ്പരയില്‍ യുവതാരത്തെ ഉള്‍പ്പെടുത്തുകയാണെങ്കില്‍ ഇന്ത്യക്ക് മികച്ചൊരു ബോളറെയാവും ലഭിക്കുക. കംബോജ് എപ്പോഴും 138-139 കിലോമീറ്റര്‍ വേഗതയില്‍ പന്തുകള്‍ ഏറിയാറുളള താരമാണ്. ‘കംബോജ് മികച്ചൊരു ബോളറാണ്. അദ്ദേഹത്തിന്റെ വേഗത ഏകദേശം 138-139 വരെ ആണ്. പന്ത് എപ്പോഴും ബാറ്ററുടെ ഗ്ലൗസില്‍ കൂടുതല്‍ തട്ടുന്നതായി തോന്നുന്നു.
അവന്റെ വലിയ ശക്തി അവന്റെ ലെങ്ത് ആണ്, ഈ വര്‍ഷത്തെ ഐപിഎല്ലില്‍ ഫ്‌ളാറ്റ് വിക്കറ്റുകളില്‍ അവന്റെ പ്രകടനം എങ്ങനെയായിരുന്നുവെന്ന് എല്ലാവരും കണ്ടതാണ്. കുറച്ച് സീമും സ്വിംഗും ലഭിക്കുന്ന സാഹചര്യങ്ങള്‍ ലഭിച്ചാല്‍ ഇംഗ്ലണ്ട് പര്യടനത്തില്‍ അന്‍ഷുല്‍ മികച്ച പ്രകടനം കാഴ്ചവയ്ക്കുമെന്ന് ഞാന്‍ വിശ്വസിക്കുന്നു,’ ഫ്‌ളെമിംഗ് പറഞ്ഞു.
‘സമ്മര്‍ദ്ദത്തിന്‍ കീഴില്‍ അദ്ദേഹം മികച്ച സ്വഭാവം പ്രകടിപ്പിക്കുന്നു. പക്ഷേ എന്നെ ശരിക്കും ആവേശം കൊള്ളിക്കുന്നത് അദ്ദേഹം പന്ത് എത്ര നന്നായി നിയന്ത്രിക്കുന്നു എന്നതാണ്, ആ കഴിവ് പഠിപ്പിക്കാന്‍ പ്രയാസമാണ്,’ കാംബോജിന്റെ കഴിവിനെ ഫ്ളെമിങ് പ്രശംസിച്ചു.
