ഈ വർഷത്തെ ഇന്ത്യൻ പ്രീമിയർ ലീഗിന് മുന്നോടിയായിട്ടുള്ള ലേലം അവസാനിച്ചപ്പോൾ മോശം സ്ക്വാഡ് എന്ന് വിലയിരുത്തപെട്ട 2 ടീമുകൾ ആയിരുന്നു – ഹൈദെരാബാദും ഗുജറാത്തും. എല്ലാ ടീമുകളും പകുതി വീതം മത്സരങ്ങൾ കളിച്ച് കഴിഞ്ഞപ്പോൾ പട്ടികയിൽ ഒന്നാം സ്ഥാനത്താണ് ഗുജറാത്ത്, നാലാമതാണ് ഹൈദരാബാദ്. വലിയ പ്രശസ്തരായ താരങ്ങൾ ഒന്നും ഇല്ലാത്ത ഈ ടീമുകളുടെ പ്രത്യേകത എന്താണ്- കൂട്ടായ പ്രവർത്തനം എന്ന് പറയാം. ഇപ്പോഴിതാ ഈ വർഷത്തെ പ്രീമിയർ ലീഗിനെ തീപിടിപ്പിച്ച 2 ടീമുകളുടെ പേര് പറഞ്ഞിരിക്കുകയാണ് ആകാശ് ചോപ്ര.
” ഹൈദെരാബാദും ഗുജറാത്തുമാണ് ഈ വർഷത്തെ ലീഗിനെ തീപിടിപ്പിച്ച ടീമുകൾ. ഹാർദിക് ഇല്ലാതെയാണ് ഇന്നലെ ഗുജറാത്ത് നേടിയ വിജയം. ഗിലും റൺ നേടിയില്ല . ഈ ഗുജറാത്ത് ടീം അവരുടെ പരിമിതമായ വിഭവങ്ങൾ ഉപയോഗിച്ച് ഞാൻ ഒരിക്കലും വിചാരിച്ചിട്ടില്ലാത്ത കാര്യങ്ങളാണ് ചെയ്യുന്നത്.”
തുടക്കത്തിലേ 2 മത്സരങ്ങളിലെ തോൽവിക്ക് ശേഷം ട്രാക്കിൽ എത്തിയ ഹൈദരാബാദ് മികച്ച വിജയമാണ് അടുത്ത 4 മത്സരങ്ങളിലും നേടിയത്. മികവിലേക്കുയർന്ന ബൗളറുമാരാണ് ടീമിന്റെ കരുത്ത്.