ഇന്ത്യൻ ടി-20 സ്ഥാനത്ത് നിന്ന് ക്യാപ്റ്റൻ സൂര്യകുമാർ യാദവിനെ മാറ്റി പുതിയ നായകനെ പരീക്ഷിക്കാൻ തയ്യാറെടുക്കുകയാണ് ഇന്ത്യ. ഏഷ്യ കപ്പ് ടി-20 ലോകകപ്പ് എന്നി ടൂർണമെന്റുകളിൽ മോശം പ്രകടനം നടത്തിയത് മൂലമാണ് ഇന്ത്യൻ സിലക്ടർമാർ സൂര്യയെ പുറത്താകാൻ തീരുമാനിക്കുന്നത്. സൂര്യകുമാര് യാദവിന് ശേഷം ഇന്ത്യയുടെ ടി-20 ടീം നായകനായി ആര് വരുമെന്ന ചര്ച്ചകലാണ് ഇപ്പൊ ഉയരുന്നത്.
ആ ചർച്ചകൾക്കിടയിൽ തന്റെ അഭിപ്രായം തുറന്നുപറഞ്ഞിരിക്കുകയാണ് മുന് ഇതിഹാസ ഓപ്പണറായ വീരേന്ദര് സെവാഗ്. നായകനാകാന് ഇപ്പോള് ഏറ്റവും മികച്ച ഓപ്ഷന് സ്റ്റാര് ബാറ്ററും പഞ്ചാബ് കിങ്സിന്റെ നായകനുമായ ശ്രേയസ് അയ്യരാണെന്നാണ് സെവാഗ് പറയുന്നത്. കൂടാതെ സ്റ്റാര് ഓള്റൗണ്ടര് ഹാര്ദിക് പാണ്ഡ്യയും ലീഡര്ഷിപ്പ് ഗ്രൂപ്പില് വരേണ്ടയാളാണെന്നും അദ്ദേഹം കൂട്ടിച്ചേർത്തു.
‘ഇപ്പോള് നമുക്ക് ലഭ്യമായിട്ടുള്ള ഓപ്ഷനുകള് പരിശോധിക്കുമ്പോള് ശ്രേയസ് അയ്യരാണ് ഇന്ത്യയുടെ ടി20 നായകസ്ഥാനത്തേക്ക് ഏറ്റവും അനുയോജ്യന്. അദ്ദേഹം ദേശീയ ടീമിലെ സ്ഥിരാംഗമാണ്. സാഹചര്യങ്ങളെ വളരെ നന്നായി മനസ്സിലാക്കുന്ന വ്യക്തിയാണ്’
ഇതിനകം തന്നെ വിവിധ ടീമുകളെ ഫൈനലുകളിലേക്കും കിരീടങ്ങളിലേക്കും ശ്രേയസ് നയിച്ചിട്ടുണ്ട്. കൂടാതെ ശ്രേയസിന് സ്ഥിരതയുള്ള താരം കൂടിയാണ് അദ്ദേഹം, ക്യാപ്റ്റന്സി റോള് അര്ഹിക്കുകയും ചെയ്യുന്നുണ്ട്’ സെവാഗ് ചൂണ്ടിക്കാട്ടി. ശ്രേയസിനെ കൂടാതെ ഇന്ത്യയുടെ ടി20 ക്യാപ്റ്റന് റോളിലേക്കു മറ്റൊരു ഓപ്ഷന് ഹാര്ദിക് പാണ്ഡ്യയാണ്. നേതൃശേഷി ഗുണങ്ങളുള്ള താരമാണ് ഹർദിക്. പക്ഷെ ഇപ്പോഴത്തെ ഫോമും സമ്മര്ദ്ദവുമെല്ലാം പരിഗണിക്കുമ്പോള് ഇന്ത്യയുടെ വൈസ് ക്യാപ്റ്റനാക്കി നിര്ത്തുന്നതായിരിക്കും നല്ലതെന്നും സെവാഗ് പറഞ്ഞുവയ്ക്കുന്നു.