2023ലെ ഐസിസി ലോകകപ്പില് ഇന്ത്യയ്ക്കെതിരായ ഓസ്ട്രേലിയയുടെ മിന്നും പ്രകടനത്തില് ആശ്ച്യര്യം മറച്ചുവയ്ക്കാതെ രവിചന്ദ്രന് അശ്വിന്. ഫൈനലില് ഓസ്ട്രേലിയയുടെ തന്ത്രങ്ങള് തന്നെ ഞെട്ടിച്ചെന്ന് അശ്വിന് പറഞ്ഞു.
പാറ്റ് കമ്മിന്സ് നിര്ണായകമായ ഒരു സ്പെല് പന്തെറിഞ്ഞു. വിരാട് കോഹ്ലിയെയും ശ്രേയസ് അയ്യരെയും വീഴ്ത്തി. കമ്മിന്സിന് മികച്ച ലോകകപ്പ് ഇല്ലായിരുന്നുവെങ്കിലും അവസാന നാല് മത്സരങ്ങളില് ഫോമിലേക്ക് തിരിച്ചെത്തി. അവന് ഒരുപാട് ഓഫ് കട്ടറുകള് എറിഞ്ഞു.
ഫൈനലില് പോലും, ഡ്രൈവുകളുടെ സാധ്യത തള്ളിക്കളയാന് അദ്ദേഹം പന്ത് ഉയര്ത്തിയില്ല.
ഓസ്ട്രേലിയ എന്നെ വ്യക്തിപരമായി ഏറെ ഞെട്ടിച്ചു. മിഡ് ഇന്നിംഗ്സിനിടെ ഞാന് ജോര്ജ്ജ് ബെയ്ലിയുമായി ഒരു സംഭാഷണം നടത്തി. എന്തുകൊണ്ടാണ് നിങ്ങള് എപ്പോഴും ചെയ്യുന്നതുപോലെ ആദ്യം ബാറ്റ് ചെയ്യാത്തതെന്ന് ഞാന് അദ്ദേഹത്തോട് ചോദിച്ചു. അതിന് അദ്ദേഹം നല്കിയ മറുപടി ഇതായിരുന്നു.
‘ഞങ്ങള് ഇവിടെ ധാരാളം ഐപിഎല് മത്സരങ്ങള് കളിച്ചിട്ടുണ്ട്. ചുവന്ന മണ്ണ് ശിഥിലമാകും, പക്ഷേ കറുത്ത മണ്ണ് അങ്ങനെയല്ല. അത് വെളിച്ചത്തിന് കീഴില് മെച്ചപ്പെടുന്നു. ചുവന്ന മണ്ണില് മഞ്ഞുവീഴ്ചയുടെ ആഘാതമില്ല, പക്ഷേ കറുത്ത മണ്ണ് ഉച്ചതിരിഞ്ഞ് നല്ല ടേണ് നല്കുന്നു. അത് രാത്രിയില് കോണ്ക്രീറ്റായി മാറും. ഇത് ഞങ്ങളുടെ അനുഭവമാണ്.’
ഫൈനലില് ഓസ്ട്രേലിയന് ടീം ഇന്ത്യയെ 6 വിക്കറ്റിന് തകര്ത്ത് ആറാം ഏകദിന ലോകകപ്പ് സ്വന്തമാക്കി. മത്സരത്തില് ആദ്യം ബാറ്റ് ചെയ്ത ഇന്ത്യ 240 റണ്സിന് പുറത്തായി. രണ്ടാം ഇന്നിംഗ്സില് ട്രാവിസ് ഹെഡിന്റെ പ്രകടനമികവില് ഓസീസ് അനായാസം ജയിച്ചുകയറി.