സന്തോഷ് ട്രോഫി ഫുട്ബോള് ദക്ഷിണ മേഖലാ യോഗ്യതാ റൗണ്ടിലെ ആദ്യ മത്സരത്തില് കേരളത്തിന് തകര്പ്പന് വിജയം. ലക്ഷദ്വീപിനെ എതിരില്ലാത്ത അഞ്ച് ഗോളുകള്ക്കാണ് കേരളം പരാജയപ്പെടുത്തിയത്.
കേരളത്തിനു വേണ്ടി നിജോ ഗില്ബര്ട്ട്, ജെസിന്, രാജേഷ് എസ്, അര്ജുന് ജയരാജ് എന്നിവര് ലക്ഷ്യം കണ്ടപ്പോള് സെല്ഫ് ഗോളും ടീമിന് തുണയായി. നാലാം മിനിട്ടില് ലഭിച്ച പെനാല്ട്ടി ലക്ഷ്യത്തിലെത്തിച്ച് നിജോ ഗില്ബര്ട്ടാണ് കേരളത്തിന് ലീഡ് സമ്മാനിച്ചത്. പിന്നാലെ 12-ാം മിനിട്ടില് ജെസിന് കേരളത്തിന്റെ ലീഡ് രണ്ടാക്കി ഉയര്ത്തി.
26ാം മിനിട്ടില് ലക്ഷദ്വീപിന്റെ ഉബൈദുള്ള ചുവപ്പുകാര്ഡ് കണ്ട് പുറത്തായി. 36ാം മിനിട്ടില് ലക്ഷദ്വീപ് താരം തന്വീര് വഴങ്ങിയ സെല്ഫ് ഗോള് കേരളത്തിന്റെ ലീഡ് മൂന്നാക്കി. 82ാം മിനിട്ടില് പകരക്കാരനായി വന്ന രാജേഷിലൂടെ കേരളം നാലാം ഗോള് നേടി.
മത്സരം അവസാനിക്കാന് സെക്കന്ഡുകള് മാത്രം ബാക്കിനില്ക്കേ 92ാം മിനിറ്റില് അര്ജുന് ജയരാജ് കേരളത്തിന്റെ ഗോള് നേട്ടം പൂര്ത്തിയാക്കി. മൂന്നാം തിയതി ആന്ഡമാന് നിക്കോബാറിനെതിരെയാണ് കേരളത്തിന്റെ അടുത്ത മത്സരം.