ചരിത്ര വിജയത്തിന്റെ ആത്മവിശ്വാസത്തില് രണ്ടാം ടെസ്റ്റില് ന്യൂസിലാന്ഡിനെ നേരിടാനിറങ്ങിയ ബംഗ്ലാദേശിന് വമ്പന് തോല്വി. രണ്ടാം ടെസ്റ്റില് ഇന്നിംഗ്സിനും 117 റണ്സിനും കിവീസ് ബംഗ്ലാദേശിനെ പരാജയപ്പെടുത്തി. സ്കോര്: ന്യൂസിലാന്ഡ് ഒന്നാം ഇന്നിംഗ്സ് ആറിന് 521 ഡിക്ല. ബംഗ്ലാദേശ് ഒന്നാം ഇന്നിംഗ്സ് 126, രണ്ടാം ഇന്നിംഗ്സ് 278 (ഫോളോ ഓണ്) .
കിവീസ് ഒന്നാം ഇന്നിംഗ്സില് മുന്നോട്ടുവെച്ച 521 റണ്സ് മറികടക്കാന് ബാറ്റേന്തിയ ബംഗ്ലാദേശ് ഒന്നാം ഇന്നിംഗ്സില് 126 ല് ഒതുങ്ങിയപ്പോള് രണ്ടാം ഇന്നിംഗ്സില് 278 നും വാല്ചുരുട്ടി.
രണ്ടാം ഇന്നിംഗില് നാല് വിക്കറ്റ് വീഴ്ത്തി കൈല് ജാമിസണ് ബംഗ്ലാദേശിന്റെ തകര്ച്ച വേഗത്തിലാക്കി. നീല് വാഗ്നര് മൂന്ന് വിക്കറ്റ് വീവ്ത്തിയപ്പോള് ടിം സൗത്തി, മിച്ചെല്, റോസ് ടെയ്ലര് എന്നിവര് ഓരോ വിക്കറ്റ് വീതം വീഴ്ത്തി.
കരിയറിലെ അവസാന മത്സരം കളിക്കുന്ന റോയ് ടെയ്ലറാണ് ബംഗ്ലാദേശിന്റെ അവസാന വിക്കറ്റ് വീഴ്ത്തിയത്. താരം അവസാനമായി പന്തെറിഞ്ഞത് എട്ട് വര്ഷങ്ങള് മുന്പായിരുന്നു. വിക്കറ്റ് നേട്ടത്തോടെ താരത്തിന് വിടവാങ്ങാനായത് സഹതാരങ്ങള്ക്ക് സന്തോഷം നല്കുന്ന കാഴ്ചയായി.