കുറ്റബോധമില്ല, 'ആനമണ്ടത്തരത്തെ' ന്യായീകരിച്ച് ദക്ഷിണാഫ്രിക്ക

സാനിദ്ധ്യം കൊണ്ട് പോലും ഏതൊരു ടീമിനേയും വിജയത്തിലെത്തിക്കാന്‍ കഴിയുന്ന അപൂര്‍വ്വം താരങ്ങളിലൊരാളാണ് ദക്ഷിണാഫ്രിക്കയുടെ മുന്‍ താരം എബി ഡിവില്ലേഴ്‌സ്. കരിയറിന്റെ ഉയര്‍ച്ചയില്‍ നില്‍ക്കുമ്പോഴായിരുന്നു ഒരു വര്‍ഷം മുമ്പ് ഡിവില്ലേഴ്‌സിന്റെ അപ്രതീക്ഷിത വിരമിക്കല്‍.

എന്നാല്‍ ലോക കപ്പിന് തൊട്ടുമുമ്പ് ദക്ഷിണാഫ്രിക്കന്‍ ടീമിലേക്ക് മടങ്ങിയെത്താന്‍ ഡിവില്ലേഴ്‌സ് ആഗ്രഹിച്ചിരുന്നെങ്കിലും ആ അഭ്യര്‍ത്ഥന ഉള്‍കൊള്ളാന്‍ ടീം മാനേജുമെന്റ് തയ്യാറായില്ല. മടങ്ങി വരാന്‍ ഡിവില്ലേഴ്‌സ് ആഗ്രഹിച്ചിരുന്നതായി കഴിഞ്ഞ ദിവസമാണ് ദക്ഷിണാഫ്രിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തത്. ഇതോടെ ഇക്കാര്യം വിവാദമായി.

എന്നാല്‍ എബി ഡിവില്ലിയേഴ്സ് വിവാദത്തില്‍ വിശദീകരണവുമായി ക്രിക്കറ്റ് ദക്ഷിണാഫ്രിക്ക രംഗത്ത് വന്നിരിക്കുകയാണ്. ഡിവില്ലിയേഴ്സിനെ ലോക കപ്പ് ടീമില്‍ ഉള്‍പ്പെടുത്താത്തതില്‍ കുറ്റബോധമില്ലെന്ന് ടീം സെലക്ഷന്‍ കമ്മറ്റി കണ്‍വീനര്‍ ലിന്‍ഡ സോണ്ടി പറഞ്ഞു.

2018ല്‍ വിരമിക്കല്‍ തീരുമാനം മാറ്റണമെന്ന് ഡിവില്ലിയേഴ്സിനോട് ആവശ്യപ്പെട്ടിരുന്നു. ശ്രീലങ്കയോടും പാകിസ്ഥാനോടുമുള്ള ടൂര്‍ണമെന്റില്‍ കളിച്ച് സെലക്ഷന്‍ നേടാന്‍ ഒരു അവസരം നല്‍കാമെന്നും അറിയിച്ചു. പക്ഷേ ഡിവില്ലിയേഴ്സ് പാകിസ്ഥാന്‍, ബംഗ്ലാദേശ് എന്നിവിടങ്ങളിലെ ട്വന്റി20 ലീഗുകളില്‍ കരാറിലേര്‍പ്പെടുകയായിരുന്നുവെന്നും സോണ്ടി വ്യക്തമാക്കി.

ഡിവില്ലിയേഴ്സ് ലോക കപ്പ് ടീമില്‍ എത്തുമെന്ന് അഭ്യൂഹങ്ങള്‍ ശക്തമായിരുന്നു. ഇതിനായി നായകന്‍ ഫാഫ് ഡുപ്ലസിസിനെയും പരിശീലകന്‍ ഓട്ടിസ് ഗിബ്‌സണെയും എബിഡി കണ്ടിരുന്നതായും ഇഎസ്പിഎന്‍ ക്രിക്ഇന്‍ഫോ റിപ്പോര്‍ട്ട് ചെയ്തിരുന്നു.

ലോക കപ്പില്‍ കളിച്ച മൂന്ന് മത്സരവും തോറ്റിരിക്കുകയാണ് ദക്ഷിണാഫ്രിക്ക. ഇതിന് പുറമെയാണ് ഡിവില്ലേഴ്‌സിന്റെ തിരിച്ചുവരവ് വാര്‍ത്തയും വിവാദമായിരിക്കുന്നത്.

Latest Stories

ഇതിഹാസം എന്നതൊക്കെ ശരി, പക്ഷെ ഇങ്ങനെ ഉള്ള പരിപാടികൾ കാണിച്ചാൽ ഉള്ള വില പോകും; ധോണിക്കെതിരെ വമ്പൻ വിമർശനം

4,03,568 വീടുകള്‍, അതില്‍ അധികം ജീവിതങ്ങള്‍; 1,00,042 വീടുകളുടെ നിര്‍മ്മാണം അതിവേഗം നടക്കുന്നു; ലൈഫ് അതിവേഗം മുന്നോട്ട്; സര്‍ക്കാരിന് അഭിമാനിക്കാം

എറണാകുളം മാര്‍ക്കറ്റില്‍ അച്ഛന്‍ ഇപ്പോഴും ജോലിക്ക് പോകുന്നുണ്ട്, ആത്മാര്‍ഥതയുള്ള തൊഴിലാളി: വിഷ്ണു ഉണ്ണികൃഷ്ണന്‍

കോവിഷീൽഡ് വിവാദത്തിനിടെ വാക്സിനേഷൻ സർട്ടിഫിക്കറ്റിൽ നിന്ന് മോദിയുടെ ചിത്രം നീക്കി

'മലയാളി'യുടെ അവസ്ഥ എന്താണ്? നിവന്‍-ഡിജോ കോമ്പോ ആദ്യ ദിനം നേടിയത് എത്ര? ഓപ്പണിംഗ് കളക്ഷന്‍ പുറത്ത്

ചെന്നൈ തോൽവിക്ക് കാരണം അത്, ആ കാര്യം ശ്രദ്ധിച്ചിരുന്നെങ്കിൽ മത്സരഫലം മറ്റൊന്ന് ആകുമായിരുന്നു; ഇർഫാൻ പത്താൻ പറയുന്നത് ഇങ്ങനെ

ഗായിക ഉമ രമണന്‍ അന്തരിച്ചു; ഇളയരാജയുടെ 'പൊന്‍ മാനേ' അടക്കം ഹിറ്റ് ഗാനങ്ങള്‍ പാടിയ ഗായിക

ടി20 ലോകകപ്പ് 2024: 'ആ ഏരിയ ദുര്‍ബലം', ഇന്ത്യന്‍ ടീം ഫേവറിറ്റല്ലെന്ന് മുന്‍ ലോകകപ്പ് ജേതാവ്

ടി20 ലോകകപ്പിലെ കിരീട ഫേവറിറ്റുകള്‍; ഞെട്ടിച്ച് സംഗക്കാരയുടെ തിരഞ്ഞെടുപ്പ്

പൊന്നാനിയില്‍ തിരിച്ചടി നേരിടും; മലപ്പുറത്ത് ഭൂരിപക്ഷം രണ്ടുലക്ഷം കടക്കും; ഫലത്തിന് ശേഷം സമസ്ത നേതാക്കള്‍ക്കെതിരെ പ്രതികരിക്കരുത്; താക്കീതുമായി മുസ്ലിം ലീഗ്