പുതിയ രണ്ട് ഐപിഎല് ടീമുകളായി. അഹമ്മദാബാദും ലക്നൗവും പുതിയ ടീമുകള്. ആര്പി സഞ്ജീവ് ഗോയങ്ക (ആര്പിഎസ്ജി) ഗ്രൂപ്പ്, അന്താരാഷ്ട്ര ഇന്വെസ്റ്റ്മെന്റ് ഏജന്സിയായ സിവിസി കാപിറ്റല് എന്നിവയാണ് പുതിയ ഫ്രാഞ്ചൈസികള് സ്വന്തമാക്കിയത്.
7090 കോടി രൂപയുടെ ടെന്ഡര് സമര്പ്പിച്ച ആര്പിഎസ്ജി ഗ്രൂപ്പ് ലക്നൗ ഫ്രാഞ്ചൈസി സ്വന്തമാക്കി. 5166 കോടിയുടെ ലേലം വിളിച്ച സിവിസി കാപിറ്റല് അഹമ്മദാബാദ് ഫ്രാഞ്ചൈസിയെയും സ്വന്തമാക്കി. 2022 സീസണ് മുതല് ഈ ടീമുകള് ഐപിഎല്ലിലുണ്ടാവും.
അദാനി ഗ്രൂപ്പ്, മാഞ്ചസ്റ്റര് യുണൈറ്റഡ് ഗ്രൂപ്പ് തുടങ്ങിയവരും ലേലത്തില് പങ്കെടുത്തിരുന്നെങ്കിലും അവര്ക്ക് ടീമുകളൊന്നും സ്വന്തമാക്കാന് കഴിഞ്ഞില്ല.