ഇന്ത്യയ്ക്കെതിരായ മൂന്ന് മത്സരങ്ങളുടെ ടി20 പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. ഇന്ത്യന് കോട്ടയിലേക്ക് സൂപ്പര് താരങ്ങളില്ലാതെയാണ് കിവീസ് എത്തുന്നത്. ഇന്ത്യയുടെ പാത പിന്തുടര്ന്ന് ടി20യില്നിന്ന് സീനിയര് താരങ്ങളെ മാറ്റിനിര്ത്തി യുവനിരയെയാണ് കിവീസ് പരീക്ഷിക്കുന്നത്. സ്പിന് ഓള്റൗണ്ടറായ മിച്ചല് സാന്റ്നറാണ് യുവനിരയുടെ നായകന്.
സൂപ്പര് താരങ്ങളായ കെയ്ന് വില്യംസന്, ടിം സൗത്തി, ട്രന്റ് ബോള്ട്ട് എന്നിവരൊന്നും ന്യൂസീലന്ഡ് ടീമിലില്ല. സൂപ്പര് ഓള്റൗണ്ടര് കെയ്ല് ജാമിസന്, മാറ്റ് ഹെന്റി, ആദം മില്നെ എന്നിവരും പരമ്പരയില് ഇടംപിടിച്ചിട്ടില്ല. പരിക്ക് മൂലമാണ് ഇവരെ ലഭ്യമാകാത്തത്.
യുവ പേസറായ ബെന് ലിസ്റ്ററിന് ആദ്യമായി കിവീസ് ടീമിലേക്ക് വിളിയെത്തിയിട്ടുണ്ട്. ഇന്ത്യയിലെ സ്പിന് സാഹചര്യം മനസിലാക്കി സ്പിന് ഓള്റൗണ്ടര് മൈക്കല് റിപ്പോണിനെ ടീമിലെടുത്തിട്ടുണ്ട്. സീനിയര് സ്പിന്നര് ഇഷ് സോധിയും സ്ഥാനം പിടിച്ചിട്ടുണ്ട്.
ന്യൂസീലന്ഡ് ടീം: മിച്ചല് സാന്റ്നര്, ഫിന് അലന്, മൈക്കല് ബ്രേസ്വെല്, മാര്ക് ചാപ്മാന്, ഡാനി ക്ലെവര്, ഡെവോന് കോണ്വേ, ജേക്കബ് ഡുഫി, ലോക്കി ഫെര്ഗൂസന്, ബെന് ലിസ്റ്റര്, ഡാരില് മിച്ചല്, ഗ്ലെന് ഫിലിപ്സ്, മൈക്കല് റിപ്പോന്, ഹെന് റി ഷിപ്ലി, ഇഷ് സോധി, ബ്ലെയര് ടിക്കനര്.