ടി20 ലോകകപ്പില് ഇന്ത്യ ഇതുവരെ റിഷഭ് പന്തിന് അവസരം നല്കാത്തതിനെ വിമര്ശിച്ച് ഇന്ത്യന് മുന് താരം മദന് ലാല്. ദിനേഷ് കാര്ത്തികിനെ കളിപ്പിക്കുന്നതിന്റെ പേരില് പുറത്തിരുത്തേണ്ട താരമല്ല പന്തെന്നും അവന് മാച്ച് വിന്നറാണെന്നും മദന് ലാല് പറഞ്ഞു.
ദിനേഷ് കാര്ത്തികിനെ ലഭ്യമാണോ അല്ലെയോ എന്നതിലല്ല കാര്യം. റിഷഭ് പന്ത് കളിക്കണം. അവന് വേണ്ട പ്രോത്സാഹനം നല്കുകയാണ് വേണ്ടത്. എന്തൊരു മികച്ച മാച്ച് വിന്നറായ താരമാണവന്. എന്നാല് എന്നാല് നാണയം പോലെ അങ്ങോട്ടും ഇങ്ങോട്ടും തട്ടിക്കളിക്കുന്നു.
അവന്റെ ആത്മവിശ്വാസത്തെ തകര്ക്കരുത്. അവനൊരു മാച്ച് വിന്നറാണെന്ന് എല്ലാവര്ക്കുമറിയാം. അതുകൊണ്ട് തന്നെ ഡികെ അവിടെയുണ്ടെങ്കിലും റിഷഭിനെ കളിപ്പിക്കണമെന്നും മദന് ലാല് പറഞ്ഞു.
ഇന്ന് ബംഗ്ലാദേശിനെതിരെ നിര്ണ്ണായക പോരാട്ടത്തിന് ഇറങ്ങുമ്പോള് ഇന്ത്യന് ടീമില് നിര്ണായക മാറ്റങ്ങളുണ്ടാകുമെന്നാണ് പ്രതീക്ഷിക്കപ്പെടുന്നത്. ആദ്യ രണ്ട് മത്സരം ജയിച്ചെങ്കിലും ഇന്ത്യയുടെ ടീമില് ഇപ്പോഴും ദൗര്ബല്യങ്ങളേറെയാണ്. ഒപ്പണിംഗ് ജോഡികളുടെ സ്ഥിരതയില്ലായ്മയും രാഹുലിന്റെ ഫോമില്ലായ്മയും ടീമിന് ഏറെ തിരിച്ചടിയാകുന്നുണ്ട്.