കെകെആറിനെതിരായ തോല്വി ആര്സിബി അര്ഹിക്കുന്നുവെന്ന് ആര്സിബി നായകന് വിരാട് കോഹ്ലി. മത്സരത്തില് ബോളര്മാര് മികച്ചുനിന്നെങ്കിലും ഫീല്ഡിംഗിലെ വീഴ്ചകള് കളിമാറ്റിമറിച്ചെന്ന് കോഹ്ലി പറഞ്ഞു.
സത്യസന്ധമായി പറഞ്ഞാല് ഞങ്ങള് വിജയം അവര്ക്ക് നല്കുന്നതുപോലെയായിരുന്നു. ഞങ്ങള് ഈ തോല്വി അര്ഹിക്കുന്നു. അച്ചടക്കത്തോടെ കളിക്കാന് ടീമിന് സാധിച്ചില്ല. നന്നായി തന്നെ ബോളര്മാര് പന്തെറിഞ്ഞു. എന്നാല് ഫീല്ഡര്മാര് നിലവാരം കാട്ടിയില്ല. അതാണ് മത്സരം അവര്ക്ക് നല്കുകയായിരുന്നുവെന്ന് പറയാന് കാരണം. പവര്പ്ലേയില് ക്യാച്ച് അവസരങ്ങള് പാഴാക്കി. അതുകൊണ്ട് 20-25 റണ്സ് അധികം വഴങ്ങേണ്ടിവന്നു- മത്സരശേഷം കോഹ്ലി പറഞ്ഞു.
കെകെആറിനെതിരെ സ്വന്തം തട്ടകത്തില് 21 റണ്സിനാണ് ആര്സിബി തോറ്റത്. ആദ്യം ബാറ്റ് ചെയ്ത കെകെആര് അഞ്ച് വിക്കറ്റിന് 200 റണ്സാണ് നേടിയത്. എന്നാല് മറുപടി ബാറ്റിംഗില് എട്ട് വിക്കറ്റിന് 179 റണ്സാണ് ആര്സിബിക്ക് നേടാനായത്.
സീസണില് ഇതുവരെ കളിച്ച എട്ട് മത്സരത്തില് നാലിലും തോറ്റ ആര്സിബി നിലവില് അഞ്ചാം സ്ഥാനത്താണുള്ളത്.