ഐപിഎല്ലിലെ പുതിയ ടീമായ അഹമ്മദാബാദിനെ ഹാര്ദിക് പാണ്ഡ്യ നയിക്കും. ഹാര്ദിക്കിനൊപ്പം അഫ്ഗാന് സൂപ്പര് സ്പിന്നര് റാഷിദ് ഖാനെയും ഇന്ത്യന് യുവ ഓപ്പണര് ശുഭ്മാന് ഗില്ലിനെയുമാണ് അഹമ്മദാബാദ് സ്വന്തമാക്കിയിരിക്കുന്നത്.
15 കോടി രൂപയ്ക്കാണ് ഹാര്ദ്ദിക്കിനെ അഹമ്മദാബാദ് കൂടെക്കൂട്ടിയത്. മുംബൈ ഇന്ത്യന്സ് 11 കോടിയാണ് ഹാര്ദിക്കിന് നല്കിയിരുന്നത്. സണ്റൈസേഴ്സ് ഹൈദാരാബാദ് താരമായിരുന്ന റാഷിദ് ഖാനെ 15 കോടിക്കാണ് അഹമ്മദാബാദ് സ്വന്തമാക്കിയിരിക്കുന്നത്.
കെകെആര് ഒഴിവാക്കിയ ശുഭ്മാന് ഗില്ലിനെ ഏഴ് കോടി രൂപയ്ക്കാണ് അഹമ്മദാബാദ് ടീമിലെത്തിച്ചിരിക്കുന്നത്. കെകെആര് 1.8 കോടി രൂപയാണ് അദ്ദേഹത്തിന് നല്കിയിരുന്നത്. ഓപ്പണര് റോളില് മികച്ച പ്രകടനം കാഴ്ചവയ്ക്കുന്ന താരമാണ് ഗില്.
ഒരു പ്രധാന ബോളറെയും ഓപ്പണറെയും ഓള്റൗണ്ടറെയും സ്വന്തമാക്കിയപ്പോള് 37 കോടി രൂപയാണ് അഹമ്മദാബാദിന് ചെലവായത്. ഇനി 15 താരങ്ങളെ ടീമിലെത്തിക്കാന് 53 കോടിയാണ് അഹമ്മദാബാദിന്റെ കൈയിലുള്ളത്.