കോവിഡ് മൂലം നിര്ത്തിവയ്ക്കേണ്ടി വന്ന ഐ.പി.എല് 14ാം സീസണ് പുനരാരംഭിക്കാനിരിക്കെ, മലയാളി താരം സഞ്ജു സാംസണ് നയിക്കുന്ന രാജസ്ഥാന് റോയല്സിന് കനത്ത തിരിച്ചടി. യു.എ.ഇയില് നടക്കുന്ന രണ്ടാം പാദ മത്സരത്തില് ഇംഗ്ലിഷ് താരം ജോസ് ബട്ട്ലറും കളിക്കില്ല എന്നതാണ് രാജസ്ഥാന് തിരിച്ചടി സമ്മാനിച്ചിരിക്കുന്നത്.
രണ്ടാമത്തെ കുഞ്ഞിന്റെ ജനനവുമായി ബന്ധപ്പെട്ട് ബട്ട്ലര് യു.എ.ഇയില് നടക്കുന്ന രണ്ടാം പാദ മത്സരങ്ങളില്നിന്ന് പിന്മാറുകയായിരുന്നു. താരത്തിന്റെ പിന്മാറ്റ വിവരം ട്വിറ്ററിലൂടെ രാജസ്ഥാന് റോയല്സ് തന്നെയാണ് പുറത്തുവിട്ടത്.
ന്യൂസീലന്ഡ് താരം ഗ്ലെന് ഫിലിപ്സിനെ ജോസ് ബട്ട്ലറിന്റെ പകരക്കാരനായി രാജസ്ഥാന് ടീമില് ഉള്പ്പെടുത്തിയിട്ടുണ്ട്. ന്യൂസീലന്ഡിനായി ഇതുവരെ 25 ടി20 മത്സരങ്ങള് കളിച്ചിട്ടുള്ള ഫിലിപ്സ് 149.41 സ്ട്രൈക്ക് റേറ്റില് 505 റണ്സ് നേടിയിട്ടുണ്ട്. കഴിഞ്ഞ വര്ഷം വെസ്റ്റിന്ഡീസിനെതിരെ 51 പന്തില് നേടിയ 108 റണ്സാണ് ഉയര്ന്ന സ്കോര്.