ഡല്ഹി ക്യാപിറ്റല്സിന് വേണ്ടി കളിച്ചായിരിക്കും വിരാട് കോഹ്ലി ഐപിഎല് കരിയര് അവസാനിപ്പിക്കുക എന്ന പ്രവചനവുമായി ദക്ഷിണാഫ്രിക്കന് മുന് താരം ഡെയ്ല് സ്റ്റെയ്ന്. കോഹ്ലി എത്ര മികച്ച കളിക്കാരനാണെന്നത് വിഷയമല്ലെന്നും ഒരുവേള ആര്സിബിയില് നിന്ന് മാറി നില്ക്കേണ്ടിവരുമെന്നും സ്റ്റെയ്ന് പറഞ്ഞു.
‘എത്ര മികച്ച കളിക്കാരനാണ് നിങ്ങള് എന്നത് ഒരു വിഷയമല്ല. ഒരു ദിവസം പടിയിറങ്ങേണ്ടി വരും. ക്രിസ് ഗെയ്ല് ടീം വിട്ടത് നമ്മള് കണ്ടു. ഒരു ജീവിതകാലം മുഴുവന് മാഞ്ചസ്റ്റര് യുനൈറ്റഡിന് വേണ്ടി കളിച്ചതിന് ശേഷവും ഡേവിഡ് ബെക്കാം പടിയിറങ്ങി. അതുപോലെ കോഹ് ലിക്കും സംഭവിക്കാം.’
‘ഡല്ഹി ക്യാപിറ്റല്സിന് വേണ്ടി കളിച്ചായിരിക്കാം കോഹ്ലി ഐപിഎല് കരിയര് അവസാനിപ്പിക്കുകയെന്ന് തോന്നുന്നു. ഡല്ഹിക്കാരനാണ് കോഹ്ലി. ഞങ്ങള്ക്കൊപ്പം വന്ന് അവസാനിപ്പിക്കാന് ഒരുപക്ഷേ ഡല്ഹി ക്യാപിറ്റല്സ് കോഹ്ലിയോട് പറയുമായിരിക്കും’ സ്റ്റെയ്ന് പറഞ്ഞു.