ഈ വർഷാവസാനം നടക്കുന്ന ബോർഡർ-ഗവാസ്കർ ട്രോഫിയിൽ ഇന്ത്യയാണ് ഫേവറിറ്റ് എന്ന് പറഞ്ഞിരിക്കുകയാണ് ഓസ്ട്രേലിയൻ താരം മാർനസ് ലബുഷാഗ്നെ . ഇന്ത്യയുടെ ഫാസ്റ്റ് ബൗളിംഗ് ഓസ്ട്രേലിയൻ സാഹചര്യങ്ങളെ ചൂഷണം ചെയ്യുന്നതിനുള്ള മികവ് ഉള്ളത് ആണെന്നും അതിനാൽ തന്നെ ഇന്ത്യയെ ജയിക്കുമെന്നും അദ്ദേഹം പറഞ്ഞു.
കഴിഞ്ഞ 10 വർഷത്തിനിടെ ഇന്ത്യയ്ക്കെതിറീ ബോർഡർ- ഗവാസ്ക്കർ ട്രോഫിയിൽ ആധിപത്യം പുലർത്താൻ ഓസ്ട്രേലിയ്ക്കായിട്ടില്ല. ഇന്ത്യ ഓസ്ട്രേലിയൻ മണ്ണിൽ തുടർച്ചയായ മൂന്നാം ട്രോഫി നേടാനുള്ള ശ്രമത്തിലാണന് ഇത്തവണ എത്തുന്നത്.
സ്റ്റാർ സ്പോർട്സിനോട് സംസാരിച്ച ലാബുഷാഗ്നെ ഇങ്ങനെ പറഞ്ഞു:
“ഇന്ത്യയുടെ ഫാസ്റ്റ് ബൗളിംഗ് യൂണിറ്റ് വളരെ മികച്ചതാണ്. അതാണ് അവരെ ഓസ്ട്രേലിയൻ സാഹചര്യങ്ങളിൽ മികച്ചതാക്കുന്നതും അവരെ പരാജയപ്പെടുത്താൻ കഠിനമായ ടീമാക്കി മാറ്റുന്നതും. എങ്ങനെ എങ്കിലും ഈ ബുദ്ധിമുട്ടിനിടയിലും ഇന്ത്യയെ തകർക്കാനാണ് ഞങ്ങളുടെ ശ്രമം.”
ജസ്പ്രീത് ബുംറയിലാണ് ഇന്ത്യയുടെ പ്രതീക്ഷ അത്രയും. 36 ടെസ്റ്റുകളിൽ നിന്ന് 10 അഞ്ച് വിക്കറ്റ് നേട്ടങ്ങൾ ഉൾപ്പെടെ 159 വിക്കറ്റുകൾ സ്പീഡ്സ്റ്റർ നേടിയിട്ടുണ്ട്. ഓസ്ട്രേലിയയിൽ ഏഴു ടെസ്റ്റുകളിൽ നിന്നായി 32 വിക്കറ്റുകൾ നേടിയിട്ടുണ്ട്. ബുംറയെ കൂടാതെ മുഹമ്മദ് സിറാജ്, മുഹമ്മദ് ഷമി എന്നിവരും ഓസ്ട്രേലിയയിൽ മികച്ച പ്രകടനമാണ് നടത്തിയത്. എട്ട് ടെസ്റ്റുകളിൽ നിന്ന് രണ്ട് ഫിഫർ ഉൾപ്പെടെ 31 വിക്കറ്റുകൾ ഷമി വീഴ്ത്തിയിട്ടുണ്ട്, സിറാജ് മൂന്ന് ടെസ്റ്റുകളിൽ നിന്ന് 13 വിക്കറ്റുകളും നേടി.
അതേസമയം, 50 ടെസ്റ്റുകളിൽ നിന്ന് മൂന്ന് സെഞ്ചുറികളുടെ സഹായത്തോടെ 49.57 ശരാശരിയിൽ 4114 റൺസാണ് ലബുഷാഗ്നെ നേടിയത്. ബോർഡർ-ഗവാസ്കർ ട്രോഫിയിൽ ഇന്ത്യയ്ക്കെതിരെ മാന്യമായ ഒരു ട്രാക്ക് റെക്കോർഡ് അദ്ദേഹം ആസ്വദിക്കുന്നു, 10 ടെസ്റ്റുകളിൽ (19 ഇന്നിംഗ്സ്) ഒരു സെഞ്ചുറിയും മൂന്ന് അർദ്ധ സെഞ്ച്വറിയും ഉൾപ്പെടെ 775 റൺസ് നേടിയിട്ടുണ്ട്.