ദക്ഷിണാഫ്രിക്കയ്‌ക്കെതിരായ ഏകദിന പരമ്പര ഇന്ത്യ അടിയറവ് പറഞ്ഞെങ്കിലും വിരാട് കോഹ് ലി ആരാധകര്‍ക്ക് തുറച്ച് ദിവസത്തേക്ക് ആഘോഷിക്കാനുള്ള വക ഇന്നലെ വീണു കിട്ടി. ആദ്യമായി മകള്‍ വാമികയും മുഖം സ്‌ക്രീനില്‍ തെളിഞ്ഞതാണ് മൂന്നാം ഏകദിനത്തില്‍ ആരാധകര്‍ക്ക് സന്തോഷിക്കാനുള്ള വക നല്‍കിയത്.
മൂന്നാം ഏകദിനത്തില്‍ കോഹ് ലി അര്‍ദ്ധ സെഞ്ച്വറി നേടിയതിന് പിന്നാലെയാണ് അനുഷ്‌കയുടെ കൈകളില്‍ ചിരിച്ചുല്ലസിക്ക് ഇരിക്കുന്ന കുഞ്ഞ് വാമികയെ ക്യാമറക്കണ്ണുകള്‍ റാഞ്ചിയത്. ആദ്യമായി വാമികയെ ക്രിക്കറ്റ് ലോകം കണ്‍കുളിര്‍ക്കെ കണ്ടു.
സെക്കന്റുകല്‍ മാത്രമാണ് മുഖം സ്‌ക്രീനില്‍ തെളിഞ്ഞതെങ്കിലും ഇതിന്റെ സ്‌ക്രീന്‍ ഷോട്ടുകള്‍ ഇതിനോടകം സോഷ്യല്‍ മീഡിയയില്‍ വൈറലായിട്ടുണ്ട്. അച്ഛന്റെ തനിപ്പകര്‍പ്പാണ് വാമിക എന്നാണ് ആരാധകര്‍ പറയുന്നത്.
കുഞ്ഞ് പിറന്ന ദിവസം മുതല്‍ തന്നെ ബോളിവുഡ് പാപ്പരാസികളോട് മകളുടെ മുഖം പകര്‍ത്തരുതെന്ന അഭ്യര്‍ത്ഥന വിരാട് കോഹ്‌ലിയും അനുഷ്‌ക ശര്‍മ്മയും മുന്നോട്ടു വച്ചിരുന്നു. അക്കാരണം കൊണ്ടുതന്നെ കുഞ്ഞിന്റെ ചിത്രങ്ങള്‍ പകര്‍ത്തിയവര്‍ മുഖം പുറത്തുകാണാത്ത വിധമേ സോഷ്യല്‍ മീഡിയയില്‍ പോസ്റ്റ് ചെയ്തിരുന്നുള്ളൂ. വാമികയുടെ ഒന്നാം പിറന്നാളിന് പോലും മുഖം പുറത്തുവന്നിരുന്നില്ല.