ഇനി ആവേഷ് ഖാൻ തിരിച്ചുവന്നാലും ഞാനും ടീമിൽ ഉണ്ടാകും എന്ന് ബോദ്ധ്യപ്പെടുത്തുന്ന പ്രകടനം, ഇതാണ് മൊഹ്‌സീൻ സ്റ്റൈൽ

പ്രണവ് തെക്കേടത്ത്

മറ്റൊരു ഇന്ത്യൻ യുവ പേസർ കൂടെ വരവറിയിക്കുമ്പോൾ ഐപിൽ ട്രോഫിയിൽ എഴുതിച്ചേർക്കപ്പെട്ട സംസ്കൃത വാക്യം ഓർമ്മയിലേക്ക് വരുകയാണ്. “Yatra prathibha Avsara prapnotihi”(where talent meets opportunity)

ഒരുപക്ഷെ 10 ടീമുകൾ അണിനിരക്കുന്നത് കൊണ്ട് മാത്രം പ്ലെയിങ് 11 ലേക്ക് അവസരം കിട്ടിയ മൊഹ്‌സിൻ ഖാൻ അവിടെ ചെറിയ നിഗിൾ ക്യാരി ചെയ്യുന്നത് കൊണ്ട് ആവേഷ്‌ ഖാനെ മാറ്റി നിർത്തി ആ ദൗത്യം എന്നിലേക്ക് ഏല്പിക്കാൻ കഴിഞ്ഞ കളികളിലെ പ്രകടനങ്ങളാൽ രാഹുലിനോട് പറയാതെ പറയുന്ന ചെറുപ്പക്കാരൻ.

ഓരോ ഇന്ത്യൻ ആരാധകരേയും ഉത്തേജിപ്പിക്കുന്ന വേഗതയ്‌ക്കൊപ്പം ലൈനും ലെങ്തും മറക്കാതെ തുടങ്ങുന്ന ന്യൂ ബോൾ സ്പെല്ലുകൾ ,ഫുൾ ഫ്ലോയിൽ കുതിക്കുന്ന ബാറ്റർക്കെതിരെ ചിന്തിച്ചു കൊണ്ട് എയ്തു വിടുന്ന സ്ലോ ബോൾ ഡെലിവറീസ്. ഡൽഹിയുടെ ബാറ്റിംഗ് നിരയിലെ അപകടകാരികളായ വാർണർ പന്ത് പവൽ എന്നിവരടക്കമുള്ള 4 വിക്കറ്റുകൾ പേരിലാക്കുമ്പോൾ വിട്ടുകൊടുക്കുന്നത് 16 റൻസുകൾ മാത്രം.

കുൽദീപ് സെൻ ,ഉംറാൻ മാലിക്ക് ,അർഷ്‌ ദീപ് ,എന്നിവരടങ്ങിയ മുഖങ്ങൾക്കൊപ്പം മൊഹ്‌സീൻ ഖാനും നിറഞ്ഞാടുമ്പോൾ ഇതിഹാസതുല്യരായ ബാറ്റേഴ്സിനെ ലോകത്തിന് സംഭാവന ചെയ്ത ഒരു രാജ്യത്തെ ആരാധകർ സന്തോഷത്തിലാണ് അതെ അവർക്കെന്നും പുവർ പേസ് ബോളേഴ്സിനോട് എന്തെന്നില്ലാത്ത ആർത്തിയാണ് .
4-0-27-1 vs MI
4-1-24-3 vs PBKS
4-0-16-4 vs DC*