ഐപിഎലിൽ ഇന്നലെ നടന്ന മത്സരത്തിൽ വീണ്ടും തോൽവി ഏറ്റുവാങ്ങി ചെന്നൈ സൂപ്പർ കിങ്സ്. നിലവിലെ ചാമ്പ്യന്മാരായ റോയല് ചലഞ്ചേഴ്സ് ബെംഗളൂരുവിനെതിരായ മത്സരത്തില് 43 റണ്സിനാണ് സിഎസ്കെ പരാജയം വഴങ്ങിയത്. ആര്സിബി ഉയര്ത്തിയ 251 റണ്സ് വിജയലക്ഷ്യത്തിലേക്ക് ബാറ്റുവീശിയ ചെന്നൈയ്ക്ക് 19. 4 ഓവറില് 207 റണ്സ് മാത്രമാണ് നേടാനായത്.
മത്സരത്തിൽ ഓപ്പണർമാരായ സഞ്ജു സാംസൺ ഋതുരാജ് ഗെയ്ക്വാദ് എന്നിവർ മോശമായ പ്രകടനം നടത്തിയത് തോൽവിയുടെ കാരണമായി. നാളുകൾ ഏറെയായി ഫോം ഔട്ടിൽ നിൽക്കുന്ന സഞ്ജു ഇന്നലത്തെ മത്സരത്തിലും പതിവ് തെറ്റിച്ചില്ല. ഇപ്പോഴിതാ തോൽവിയെ കുറിച്ച് സംസാരിച്ചിരിക്കുകയാണ് സിഎസ്കെ നായകൻ ഋതുരാജ്.
‘എനിക്ക് തോന്നുന്നു ടോപ് ഓർഡറിൽ ഞങ്ങൾ നന്നായി സ്കോർ കയറ്റിയിരുന്നെങ്കിൽ ചേസ് ചെയ്യാമായിരുന്നു. അതുകൊണ്ട് മത്സരം തോട്ടത്തിന്റെ പൂർണ ഉത്തരവാദിത്തം എനിക്കാണ്’ ഋതുരാജ് പറഞ്ഞു.