ലോകത്തുടനീളമുള്ള ക്രിക്കറ്റ് ആരാധകര് പാകിസ്താന്റെയും ഓസ്ട്രേലിയയുടെയും പുരുഷ വനിതാ ടീമുകളുടെ മത്സരം കൗതുകത്തോടെ കാണുന്ന സമയമാണ് കടന്നുപോയത്. റാവല്പിണ്ടിയില് ഓസ്ട്രേലിയയുടെ പുരുഷടീം പാകിസ്തന്റെ പുരുഷ ടീമിനെ നേരിടുമ്പോള് ഓസ്ട്രേലിയന് വനിതാടീം പാകിസ്താന്റെ വനിതാടീമിനെ നേരിടുകയായിരുന്നു.
ഭര്ത്താവ് പാകിസ്താനില് പാകിസ്താനെതിരേ കളിക്കുന്ന അതേസമയം തന്നെ ന്യൂസിലന്റില് ഭാര്യയും പാകിസ്താനെിരേ കളിക്കുകയായിരുന്നു. രണ്ടുപേരും ബാറ്റ് ചെയ്യുകയും. പാക് പേസര്മാരെ ഭര്ത്താവ് റാവല്പിണ്ടിയില് നേരിടുമ്പോള് പാകിസ്താന്റെ വനിതാ ടീമിലെ പേസര്മാരെ ഭാര്യ ന്യൂസിലന്റിലെ ലോകകപ്പ് മത്സരത്തിലൂം നേരിടുകയായിരുന്നു.
ഒരേ സമയം ഒരേ എതിരാളികള്ക്ക് എതിരേ രണ്ടിടത്തായി ബാറ്റ് ചെയ്തിരുന്നത് അനേകം ക്രിക്കറ്റ് ആരാധകരാണ് കണ്ടത്. ഓസ്ട്രേലിയയിലെ ക്രിക്കറ്റ് ദമ്പതികളായ മൈക്കല് സ്റ്റാര്ക്കും ഭാര്യ അലീസാ ഹീലിയുമായിരുന്നു. ഏതാനും വര്ഷമായി ഇരുവരും ഓസ്ട്രേലിയന് പുരുഷ – വനിതാ ടീമുകളില് സ്ഥിരാംഗങ്ങളാണ്. മൈക്കല് സ്റ്റാര്ക്ക് ഓസീസിന്റെ പേസ് നിരയെ നയിക്കുമ്പോള് ഹീലി വനിതാ ടീമിന്റെ വിക്കറ്റ് കീപ്പറാണ്. 25 വര്ഷത്തിന് ശേഷമായിരുന്നു ഓസ്ട്രേലിയയുടെ പാക് പര്യടനം.