ഇത്തവണ ലഖ്നൗ സൂപ്പര് ജയന്റ്സിന്റെ ബോളിംഗ് നിരയില് വിസ്മയിപ്പിക്കുന്ന പ്രകടനം നടത്തുന്ന ഒരു പേസറുണ്ട്. യുവതാരം മൊഹ്സിന് ഖാന്. അടിസ്ഥാന വിലയ്ക്ക് സ്വന്തമാക്കിയ താരത്തെ വൈകിയാണ് ലഖ്നൗ കളത്തിലിറക്കിയതെങ്കിലും നിലവില് ടീമിന്റെ നെടുന്തൂണാണ് ഈ താരം.
റണ്വഴങ്ങുന്നതിലെ പിഴുക്കാണ് താരത്തെ ശ്രദ്ധേയനാക്കുന്നത്. മൊഹ്സിന് ഈ സീസണില് 21 ഓവര് എറിഞ്ഞപ്പോള് 126 ഡെലിവറികളില് നിന്ന് സിക്സ് വഴങ്ങിയത് രണ്ട് വട്ടം മാത്രമാണെന്ന അത്ഭുതപ്പെടുത്തുന്ന സത്യം താരത്തിന്റെ ബോളിംഗ് വൈഭവത്തെ പ്രശോഭിപ്പിക്കുന്നു.
സീസണില് അഞ്ച് മത്സരത്തില് നിന്ന് 9 വിക്കറ്റുകള് ഈ ഇടം കൈയന് പേസര് നേടിക്കഴിഞ്ഞു. ആറ് റണ്സില് താഴെയാണ് പല മത്സരങ്ങളിലെയും അദ്ദേഹത്തിന്റെ ഇക്കോണമി. സീസണില് 5.35 എന്ന മികച്ച ഇക്കണോമിയിലാണ് മൊഹ്സിന് പന്തെറിയുന്നത്.
ഗുജറാത്തിന് എതിരെ ഇന്നലെ നടന്ന മത്സരത്തില് ലഖ്നൗ നാണംകെട്ട തോല്വി വഴങ്ങിയെങ്കിലും മൊഹ്സിന്റെ പ്രകടനം ഏറെ മികവുറ്റതായിരുന്നു. നാല് ഓവറില് 18 റണ്സ് മാത്രം വഴങ്ങിയ മൊഹ്സിന് ഒരു വിക്കറ്റും വീഴ്ത്തി.