ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുളള ഇന്ത്യന് ടീമില് ഇടംപിടിച്ച കരുണ് നായരെ പുകഴ്ത്തി കോച്ച് ഗൗതം ഗംഭീര്. ഇംഗ്ലണ്ടില് കളിച്ച് പരിചയമുളള കരുണ് നായരുടെ അനുഭവം പരമ്പരയില് ടീമിന് നന്നായി ഗുണം ചെയ്യുമെന്ന് ഗംഭീര് അഭിപ്രായപ്പെട്ടു. രഞ്ജി ട്രോഫിയില് വിദര്ഭയ്ക്കായി നടത്തിയ ശ്രദ്ധേയ പ്രകടനത്തിലൂടെയാണ് 33കാരനായ കരുണ് ഇന്ത്യന് ടീമില് വീണ്ടും എത്തിയത്. കരുണിന്റെ പ്രകടനമികവിലാണ് കേരളത്തെ ഫൈനലില് തോല്പ്പിച്ച് വിദര്ഭ രഞ്ജി കിരീടം നേടിയത്.
ഫസ്റ്റ് ക്ലാസ് ക്രിക്കറ്റിലെ മികച്ച പ്രകടനത്തിന്റെ അടിസ്ഥാനത്തിലാണ് കരുണ് നായരെ ഇന്ത്യന് ടീമിലേക്ക് തിരഞ്ഞെടുത്തതെന്ന് ഗംഭീര് പറയുന്നു. അല്ലാതെ ഒന്നോ രണ്ടോ ടെസ്റ്റുകളിലെ പ്രകടന മികവിലല്ല ഒരാളെ ടീമിലേക്ക് പരിഗണിക്കുന്നതെന്നും ഗംഭീര് പറഞ്ഞു. ‘ആഭ്യന്തര ക്രിക്കറ്റിന് ഇത് വളരെ മികച്ചതാണ്. എല്ലാ യുവതാരങ്ങള്ക്കും അതിന്റെ പ്രാധാന്യം മനസ്സിലാകും. നിങ്ങള് അവിടെ മികച്ച പ്രകടനം കാഴ്ചവെച്ചാല്, നിങ്ങള്ക്കായി വാതിലുകള് ഇവിടെ ഒരിക്കലും അടയ്ക്കില്ല’.
‘കരുണിന്റെ അനുഭവം ഇന്ത്യന് ടീമിന് ഗുണം ചെയ്യും. അദ്ദേഹം അവിടെ കൗണ്ടി ക്രിക്കറ്റ് കളിച്ചിട്ടുണ്ട്, അവന് ഇപ്പോള് മികച്ച ഫോമിലാണ്, ഗംഭീര് പറഞ്ഞു. കരുണിന്റെ പരിചയസമ്പത്ത് സഹായകരമാവും. അതിലുപരി ഒന്നോ രണ്ടോ ടെസ്റ്റ് മത്സരങ്ങള് നോക്കി ഞങ്ങള് ഒരാളെയും വിലയിരുത്തില്ല. റണ്സ് നന്നായി നേടുന്ന ആരെങ്കിലും ഉണ്ടായാല് അവര്ക്ക് ടീമില് നല്ല പരിഗണന തന്നെ നല്കും, ഗംഭീര് പറഞ്ഞു.