ഇന്ത്യൻ പരിശീലകനും മുൻ താരവുമായ ഗൗതം ഗംഭീറിനെതിരെ വീണ്ടും വിമർശിച്ചിരിക്കുകയാണ് മുൻ ഇന്ത്യൻ താരം മനോജ് തിവാരി. ഗംഭീർ വാക്കിന് വിലയില്ലാത്തവനാണെന്നാണ് തിവാരിയുടെ വാദം. ഇക്കാര്യത്തിൽ ഒന്നിൽ കൂടുതൽ കാരണങ്ങളും തിവാരി നിരത്തുന്നു.
മനോജ് തിവാരി പറയുന്നത് ഇങ്ങനെ:
“ഗംഭീർ വാക്കിന് വിലയില്ലാത്ത ആളാണെന്ന് എനിക്ക് എപ്പോഴും തോന്നാറുണ്ട്. അവൻ ഇന്ത്യൻ ടീമിന്റെ കോച്ചല്ലാതിരുന്നപ്പോൾ ഇന്ത്യ പാകിസ്ഥാനുമായി കളിക്കേണ്ടതില്ലെന്നാണ് ഗംഭീർ പറഞ്ഞത്. എന്നാൽ ഇപ്പോൾ അവൻ എന്ത് ചെയ്യും?”
മനോജ് തിവാരി തുടർന്നു:
“ഏഷ്യാ കപ്പിൽ പാകിസ്ഥാനെ നേരിടുന്ന ഇന്ത്യൻ ടീമിന്റെ കോച്ചാണ് അവൻ. എന്തുകൊണ്ട് സ്ഥാനം ഒഴിഞ്ഞുകൂടാ? പാകിസ്ഥാനെതിരെ കളിക്കാൻ താൻ ഇല്ലെന്ന് പറഞ്ഞുകൂടാ?. യശസ്വി ജയ്സ്വാൾ ഭാവി താരമാണെന്ന് പറഞ്ഞതും ഗംഭീറാണ് അവനെ പുറത്തിരുത്തുന്നതും അയാൾ തന്നെ. അവൻ ട്വന്റി-20യിൽ പുറത്തരിക്കേണ്ട കളിക്കാരനല്ല ലോങ് റൺ ആവശ്യമുള്ള കളിക്കാരനാണ് എന്നാൽ അവൻ ഇപ്പോൾ ടീമിലില്ല” മനോജ് തിവാരി പറഞ്ഞു.