ഓസ്ട്രേലിയന് ക്രിക്കറ്റ് ഇതിഹാസം ആന്ഡ്രൂ സൈമണ്ട്സ് (46) കാറപകടത്തില് മരിച്ചു. ശനിയാഴ്ച രാത്രിയോടെ ക്വീന്സ്ലാന്ഡിലെ ടൗണ്സ്വില്ലെയിലുള്ള വീടിന് സമീപത്ത് വെച്ചാണ് അപകടമുണ്ടാതെന്നാണ് റിപ്പോര്ട്ടുകള്.
ഓസ്ട്രേലിയക്കായി സൈമണ്ട്സ് 26 ടെസ്റ്റുകളും 198 ഏകദിന മത്സങ്ങളും 14 ടി20 മത്സരങ്ങളിലും കളിച്ചിട്ടുണ്ട്. 198 ഏകദിനങ്ങളില് നിന്നായി 5088 റണ്സും 133 വിക്കറ്റുകളും കരസ്ഥമാക്കിയിട്ടുണ്ട്.
26 ടെസ്റ്റുകളില് നിന്നായി 1462 റണ്സും 24 വിക്കറ്റുകളും നേടി. 14 അന്തരാഷ്ട്ര ട20 മത്സരങ്ങള് കളിച്ച സൈമണ്ട്സ് 337 റണ്സും എട്ടു വിക്കറ്റുകളും കരസ്ഥമാക്കിയിട്ടുണ്ട്.
2003, 2007 ലോക കപ്പുകള് കരസ്ഥമാക്കിയ ഓസ്ട്രേലിയന് ടീമിലെ പ്രധാന താരമായിരുന്നു അദ്ദേഹം. ക്രിക്കറ്റ് ഇതിഹാസങ്ങളായ ഷെയ്ന് വോണിന്റേയും റോഡ് മാര്ഷിന്റേയും മരണത്തില് നിന്ന് മോചിതരായി വരുന്ന ഓസ്ട്രേലിയന് ക്രിക്കറ്റിന് മറ്റൊരു ആഘാതമായി മാറിയിരിക്കുകയാണ് സൈമണ്ട്സിന്റെ വിയോഗം.