ഓസ്‌ട്രേലിയ ആതിഥ്യം ഒരുക്കുന്ന 2021-22 ആഷസ് ടെസ്റ്റ് ക്രിക്കറ്റ് പരമ്പരയ്ക്കുള്ള 17 അംഗ ഇംഗ്ലണ്ട് ടീം പ്രഖ്യാപിച്ചു. ജോ റൂട്ടാണ് ക്യാപ്റ്റന്‍. സ്റ്റാര്‍ ഓള്‍ റൗണ്ടര്‍ ബെന്‍ സ്‌റ്റോക്‌സ്, സാം കറന്‍, പേസ് നിരയിലെ പ്രധാനി ജോഫ്ര ആര്‍ച്ചര്‍ എന്നിവരെ ടീമില്‍ നിന്ന് ഒഴിവാക്കി.
ഐപിഎല്ലിനിടെ നടുവിന് പരിക്കേറ്റതാണ് സാം കറനെ ഒഴിവാക്കാന്‍ കാരണം. ഐപിഎല്‍ ടീം ചെന്നൈ സൂപ്പര്‍ കിംഗ്‌സിന്റെ താരമായ കറന്‍ ടൂര്‍ണമെന്റില്‍ നിന്ന് പിന്മാറിയിരുന്നു. ആഷസില്‍ ഉണ്ടാകില്ലെന്നും കറന്‍ അറിയിക്കുകയുണ്ടായി. മാനസികാരോഗ്യം വീണ്ടെടുക്കുന്നതിന് വിശ്രമത്തിലുള്ള സ്‌റ്റോക്‌സിന് ഇംഗ്ലണ്ട് ടീമില്‍ ഇടം ലഭിക്കില്ലെന്ന് നേരത്തെ തന്നെ ഉറപ്പായിരുന്നു. കൈമുട്ടിന് പരിക്കേറ്റ ആര്‍ച്ചറും ഏറെ നാളായി വിശ്രമത്തിലാണ്.
ടീം: ജോ റൂട്ട് (ക്യാപ്റ്റന്‍), ജയിംസ് ആന്‍ഡേഴ്‌സണ്‍, ജോണി ബെയര്‍സ്‌റ്റോ, ഡോം ബെസ്, സ്റ്റിയുവര്‍ട്ട് ബ്രോഡ്, റോറി ബേണ്‍സ്, ജോസ് ബട്ട്‌ലര്‍, സാക് ക്രാവ്‌ളി, ഹസീബ് ഹമീദ്, ഡാന്‍ ലോറന്‍സ്, ജാക്ക് ലീച്ച്, ഡേവിഡ് മലാന്‍, ക്രെയ്ഗ് ഓവര്‍ട്ടണ്‍, ഒലി പോപ്പ്, ഒലി റോബിന്‍സണ്‍, ക്രിസ് വോക്‌സ്, മാര്‍ക്ക് വുഡ്.
