ഇന്ത്യന് പര്യടനത്തിനെത്തിയ ശ്രീലങ്കന് ക്രിക്കറ്റ് ടീം ഉപയോഗിച്ച ബസില്നിന്ന് ബുള്ളറ്റ് ഷെല്ലുകള് കണ്ടെടുത്തു. ബസിലെ സാധാനങ്ങള് സൂക്ഷിക്കുന്ന ഭാഗത്താണു വെടിയുണ്ടകളുടെ ഷെല്ലുകള് കണ്ടെത്തിയത്. സംഭവത്തില് പൊലീസ് അന്വേഷണം ആരംഭിച്ചു.
ചണ്ഡീഗഡിലെ താര ബ്രദേഴ്സ് എന്ന സ്ഥാപനത്തില്നിന്ന് വാടകയ്ക്കെടുത്ത ബസാണ് ലങ്കന് ടീമിന്റെ യാത്രകള്ക്ക് ഉപയോഗിച്ചത്. ടീം അംഗങ്ങള് താമസിച്ച ഹോട്ടലിനു സമീപം ബസ് നിര്ത്തിയിട്ട സമയത്തു നടത്തിയ പരിശോധനയിലാണ് ബുള്ളറ്റ് ഷെല്ലുകള് കണ്ടെടുത്തത്.
ഇതേ ബസ് ഒരു വിവാഹ ചടങ്ങിന്റെ ആവശ്യത്തിനായി വാടകയ്ക്ക് എടുത്തിരുന്നതായും വിവരമുണ്ട്. വടക്കേ ഇന്ത്യയില് വിവാഹച്ചടങ്ങുകളുടെ ഭാഗമായി ആഘോഷ വെടിവയ്പുകള് നടത്തുന്നതിന് നിരോധനമുണ്ടെങ്കിലും ഇപ്പോഴും ഇത് നടക്കാറുണ്ട്.