ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്ക് തയാറെടുക്കുന്ന മധ്യനിര ബാറ്റര് സൂര്യകുമാര് യാദവിന് തകര്പ്പന് ഡബിള് സെഞ്ച്വറി. പൊലീസ് ഷീല്ഡ് ഫൈനലിലാണ് സൂര്യകുമാര് യാദവിന്റെ വെടിക്കെട്ട് ബാറ്റിംഗ്.
ടൂര്ണമെന്റിന്റെ ത്രിദിന ഫൈനലില് പയ്യാഡ് എസ്.സിക്കെതിരെ പാര്സി ജിംഖാ നയ്ക്കുവേണ്ടിയാണ് സൂര്യകുമാര് റണ്മഴ തീര്ത്തത്. 152 പന്തില് 37 ബൗണ്ടറികളും അഞ്ച് സിക്സും സഹിതം 249 റണ്സാണ് സൂര്യകുമാര് വാരിയത്. 122 പന്തില് താരം ഇരട്ട ശതകം തികച്ചു.
സൂര്യകുമാറിന്റെ മികവില് ആദ്യ ദിനം കളി നിര്ത്തുമ്പോള് പാര്സി ജിംഖാന ഒമ്പത് വിക്കറ്റിന് 524 റണ്സെടുത്തു. സൂര്യകുമാര് നിറഞ്ഞാടിയപ്പോള് അതിഫ് അതാര്വാലയും റോയ്സറ്റണ് ഡയസും ദീപക് ഷെട്ടിയും പ്രദീപ് സാഹുവും സാഹര് മിശ്രയും ധ്രുമില് മത്കാറും അടങ്ങിയ എതിര് ബോളിംഗ് നിര നിഷ്പ്രഭമായിപ്പോയി. ലഞ്ചിനും ചായയ്ക്കുമിടയിലാണ് സൂര്യകുമാര് ഏറെ ആക്രമണകാരിയായി മാറിയത്.