വരുന്ന ലോക കപ്പോടെ വിരാട് കോഹ്‌ലി ഇന്ത്യന്‍ ടി20 ടീമിന്റെ നായകസ്ഥാനം ഒഴിയിനാരിക്കെ അടുത്ത നായകന്‍ ആരായിരിക്കണണം എന്നതില്‍ അഭിപ്രായവുമായി ദക്ഷിണാഫ്രിക്കന്‍ മുന്‍ പേസര്‍ ഡെയ്ല്‍ സ്റ്റെയിന്. ഇന്ത്യയ്ക്ക് ഒട്ടേറെ മികച്ച ടി20 താരങ്ങളുണ്ടെന്നും അതില്‍ തന്നെ നായകനാകാന്‍ യോഗ്യതയുള്ള നിരവധി താരങ്ങളുണ്ടെന്നും സ്റ്റെയിന് പറഞ്ഞു.
‘ക്യാപ്റ്റന്‍ സ്ഥാനത്തേക്ക് ഇന്ത്യക്ക് നിരവധി സാധ്യതകളുണ്ട്. വെറുതെ ഐപിഎല്ലിലേക്ക് ഒന്ന് നോക്കൂ, എത്രയെത്ര താരങ്ങളാണ്. സൂര്യകുമാര്‍, പന്ത്, ശ്രേയസ് അയ്യര്‍, രോഹിത്.. അങ്ങനെ നീളുന്നു പട്ടിക. എന്നാല്‍ ക്യാപ്റ്റന്‍ സ്ഥാനം നല്‍കേണ്ടത് ടീമിനെ ഉത്തരവാദിത്തോടെ കൊണ്ടുനടക്കാന്‍ കഴിയുന്ന താരത്തിനാണ്. അത്തരത്തില്‍ ഇന്ത്യക്ക് നിരവധി താരങ്ങളുണ്ട്.’
‘രോഹിത് ക്യാപ്റ്റനാവുമെങ്കില്‍ അത് മഹത്തായ കാര്യമായിരിക്കും. അദ്ദേഹത്തിന് യുവതാരങ്ങളെ വളര്‍ത്തികൊണ്ടുവരുന്നതില്‍ പ്രത്യേക കഴിവുണ്ട്. മാത്രമല്ല, ടി20 ക്രിക്കറ്റില്‍ ഇന്ത്യയേയും മുംബൈ ഇന്ത്യന്‍സിനേയും നയിച്ചപ്പോഴെല്ലാം വിജയങ്ങള്‍ സമ്മാനിക്കാനും രോഹിത്തിനായിട്ടുണ്ട്’ സ്റ്റെയ്ന്‍ പറഞ്ഞു.