ജൂണില് വെസ്റ്റ് ഇന്ഡീസിലും യുണൈറ്റഡ് സ്റ്റേറ്റ്സ് ഓഫ് അമേരിക്കയിലുമായി നടക്കാനിരിക്കുന്ന ടി20 ലോകകപ്പില് എല്ലാ ബാറ്റര്ക്കും കാര്യമായ ഭീഷണിയുണ്ടാകുമെന്ന് വിശ്വസിക്കുന്ന ബോളറെ തിരഞ്ഞെടുത്ത് ദക്ഷിണാഫ്രിക്കന് വെടിക്കെട്ട് ബാറ്റര് ഡേവിഡ് മില്ലര്.
ടൂര്ണമെന്റില് പങ്കെടുക്കുന്ന എല്ലാ ടീമുകള്ക്കും ഒരു പ്രധാന വെല്ലുവിളിയായി മില്ലര് ഇന്ത്യയുടെ പ്രീമിയര് ഫാസ്റ്റ് ബൗളര് ജസ്പ്രീത് ബുംറയെ തിരഞ്ഞെടുത്തു. ബുംറ നിലവില് മികച്ച ഫോമിലാണെന്നും വര്ഷങ്ങളായി ലോകോത്തര ബോളര് എന്ന പദവി നിലനിര്ത്തിയിട്ടുണ്ടെന്നും അദ്ദേഹം അഭിപ്രായപ്പെട്ടു.
ഇപ്പോള് ബുംറ നന്നായി ബോള് ചെയ്യുന്നുണ്ടെന്ന് ഞാന് കരുതുന്നു. കൂടാതെ അദ്ദേഹം വര്ഷങ്ങളായി ലോകോത്തര ബോളറാണ്. ലോകകപ്പിലെ മറ്റെല്ലാ ബാറ്റര്മാരെയും പോലെ അദ്ദേഹം എനിക്കും ഒരു ഭീഷണിയാണ്- മില്ലര് പറഞ്ഞു.
ഐപിഎല്ലില് ഗുജറാത്തിനായി തിളങ്ങിയ മില്ലര് ആഗോള ടൂര്ണമെന്റില് ദക്ഷിണാഫ്രിക്കയുടെ ഫിനിഷറായി നിര്ണായക പങ്ക് വഹിക്കും. ജൂണ് 3 ന് ശ്രീലങ്കയ്ക്കെതിരെ ദക്ഷിണാഫ്രിക്ക അവരുടെ കാമ്പെയ്ന് ആരംഭിക്കും.