ശ്രീലങ്കയ്ക്ക് എതിരേയുള്ള ക്രിക്കറ്റ് പരമ്പര ഇന്ത്യ തൂത്തുവാരിയപ്പോള് ചരിത്രം കുറിച്ച ഇന്ത്യന് ബൗളര് ജസ്പ്രീത് ബുംറെയും. ബംഗലുരു ചിന്നസ്വാമി സ്റ്റേഡിയത്തില് നടന്ന പിങ്ക് പന്ത് ടെസ്റ്റില് തകര്പ്പന് പ്രകടനമാണ് താരം നടത്തിയത്. രണ്ടാം ഇന്നിംഗ്സില് ശ്രീലങ്ക 109 റണ്സിന് പുറത്തായപ്പോള് 29 റണ്സിന് അഞ്ചു വിക്കറ്റുകളാണ് ബുംറ വീ്ഴ്ത്തിയത്.
ഈ വിക്കറ്റ് വേട്ടയിലൂടെ ഇന്ത്യയുടെ മുന് താരം കപില്ദേവിന്റെ വിക്കറ്റ് നേട്ടത്തിനൊപ്പമാണ് താരം എത്തിയത്. മൊത്തം ഒരിന്നിംഗ്സില് അഞ്ചുവിക്കറ്റ് ബുംറ സ്വന്തമാക്കുന്നത് എട്ടാം തണയാണ്. ഈ നേട്ടത്തിലാണ് താരം ഇതിഹാസ താരത്തിനൊപ്പമായത്. അതേസമയം തന്നെ ഇന്ത്യയില് താരത്തിന്റെ ആദ്യ അഞ്ചുവിക്കറ്റ് നേട്ടമായിരുന്നു. 29 ടെസ്റ്റുകളില് നിന്നുമാണ് കപിലും അഞ്ചുവിക്കറ്റ് നേട്ടം എട്ടുതവണ കൊയ്തത്.
മത്സരത്തിലെ രണ്ടാം ഇന്നിംഗ്സില് മൂന്ന് വിക്കറ്റുകള് കൂടി വീഴ്ത്തിയതോടെ 47 ന് എട്ട് എന്ന നിലയിലായി താരത്തിന്റെ ബൗളിംഗ് റെക്കോഡ്. ഒരിന്നിംഗ്സിലെ അഞ്ചുവിക്കറ്റ് നേട്ടം ദക്ഷിണാഫ്രിക്കയില് രണ്ടു തവണ സ്വന്തമാക്കിയിട്ടുള്ള ബുംറ ഇന്ത്യയിലും അഞ്ചുവിക്കറ്റ് നേട്ടം കൊയ്തതോടെ ഏഷ്യ, യൂറോപ്പ്, ഓഷ്യാനിയ, ആഫ്രിക്ക, അമേരിക്ക എന്നിങ്ങനെ അഞ്ച് വന്കരകളിലും നേടുകയും ചെയ്തു.
2018 ല് ജോഹന്നാസ് ബര്ഗില് ദക്ഷിണാഫ്രിക്കയ്ക്ക് എതിരേ 54 റണ്സിനായിരുന്നു അഞ്ചുവിക്കറ്റ് നേട്ടം ആദ്യം നടത്തിയത്. അതേവര്ഷം തന്നെ ഇംഗ്ളണ്ടിനെതിരേയും ഈ നേട്ടമുണ്ടാക്കി. പിറ്റേവര്ഷം ഓസ്ട്രേലിയയിലും വെസ്റ്റിന്ഡീസിലും നേടിയ താരം ഈ നേട്ടത്തില് ഗ്രഹാം മക്കന്സി, ജേസണ് ഗില്ലസ്പി, ഡെയ്ല് സ്്റ്റെയ്ന് എന്നിവര് ഉള്പ്പെട്ട ക്ലബ്ബിലാണ് അംഗമായത്. ഇതുവരെ 29 ടെസ്റ്റ് മത്സരം കളിച്ചതാരം 129 വിക്കറ്റുകളാണ് നേടിയിട്ടുള്ളത്.